ଭୁବନେଶ୍ଵର : ରାଜ୍ୟରେ ବର୍ତ୍ତମାନ ସୁଦ୍ଧା ସ୍ୱାଭାବିକ ଠାରୁ ୨୯.୫ ମିମି କମ୍ ବର୍ଷା ହୋଇଛି । ଯାହାକୁ ନେଇ ସମ୍ଭାବ୍ୟ ମରୁଡି ପରିସ୍ଥିତି ଦେଖା ଦେଇଛି । ତେବେ ଏଭଳି ସ୍ଥଳେ ଓଡ଼ିଶା କୃଷି ଓ ବୈଷୟିକ ବିଶ୍ଵବିଦ୍ୟାଳୟ ପକ୍ଷରୁ ମାର୍ଗଦର୍ଶିକା ଜାରି କରାଯାଇଛି।
ସୂଚନାଯୋଗ୍ୟ, ଓଡ଼ିଶାରେ ଜୁନ୍ ମାସରେ ୧୪୮ ମିମି ବର୍ଷା ହୋଇଛି, ଯାହାକି ସ୍ବଭାବିକ ଠାରୁ ୩୧ ପ୍ରତିଶତ କମ୍ ରହିଥିଲା । ସେହିପରି ଜୁଲାଇ ୨୨ ତାରିଖ ସୁଦ୍ଧା ରାଜ୍ୟରେ ୨୯୦.୪ ମିମି ବର୍ଷା ହୋଇଯାଇଛି, ଯାହାକି ସ୍ୱାଭାବିକ ଠାରୁ ୨୯.୫ ପ୍ରତିଶତ କମ୍ ହୋଇଛି ।
ଅନ୍ୟପକ୍ଷରେ ଆଗକୁ ଲଘୁଚାପ ଜନିତ ବର୍ଷାର ସମ୍ଭାବନା ଥିବାରୁ ବୁଣାବୁଣିକାମ ଶେଷ କରନ୍ତୁ ଓ ଧାନ ରୁଆ ରୋଇ କାମ ଆରମ୍ଭ କରନ୍ତୁ।
# ସଂପ୍ରତି ସୁନ୍ଦରଗଡ, ମୟୁରଭଞ୍ଜ, ଗଜପତି,ଅନୁଗୁଳ, ଦେବଗଡ, କନ୍ଧମାଳ, ବୌଦ୍ଧ, ରାୟଗଡା, କେନ୍ଦୁଝର, ବଲାଙ୍ଗୀର ଓ ବାଲେଶ୍ୱେର ଆଦି ଜିଲ୍ଲାରେ ସ୍ବଳ୍ପ ବୃଷ୍ଟିପାତ ଯୋଗୁଁ କେତେକ ନିର୍ଦ୍ଦିଷ୍ଟ ବ୍ଲକରେ ଧାନ ତଥା ଅଣଧାନ ଫସଲ ପ୍ରଭାବିତ ହେବାର ସମ୍ଭାବନା ରହିଛି।
# ଭାରତୀୟ ପାଣିପାଗ ବିଭାଗ ପୂର୍ବାନୁମାନ ଅନୁଯାୟୀ ଆସନ୍ତା ୨୬ରୁ ୨୭ ତାରିଖରେ ବର୍ଷାର ସମ୍ଭାବନା ରହିଛି।
ଏହି ପରିପ୍ରେକ୍ଷୀରେ ଫସଲର ସୁପରିଚାଳନା ପାଇଁ କେତେକ ପରାମର୍ଶ :
ଧାନ-
# ଯେଉଁଠି ବୁଣାବୁଣି ସରିଯାଇଛି, ସେଠି ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ଧାନ ଫସଲକୁ ନଷ୍ଟ ନ କରି ଅପେକ୍ଷା କରନ୍ତୁ
# ଯେଉଁ ଜମିରେ ରୁଆ ସରି ଯାଇଛି, ସେଠି ଧାନ ଫସଲକୁ ଲକ୍ଷ୍ୟ କରି ଜଳସେଚନ କରନ୍ତୁ
# ରୋଇବା ପାଇଁ ତଳି ପ୍ରସ୍ତୁତ ହୋଇ ରହିଥିଲେ ଜଳସେଚନ କରି ତଳି ବଞ୍ଚାଇ ରଖନ୍ତୁ
