ହାଇଦ୍ରାବାଦ : ଶ୍ରେଣୀଗୃହର ମନିଟର ହୋଇ ନପାରିବାରୁ ଜଣେ ଛାତ୍ର ଆତ୍ମହତ୍ୟା କରିଛନ୍ତି । ଏଭଳି ଏକ ଅଭାବନୀୟ ଘଟଣା ତେଲଙ୍ଗାନାରେ ଘଟିଛି । ଶ୍ରେଣୀ ଗୃହର ନେତୃତ୍ବ ନେବା ପାଇଁ ହେଉଥିବା ନିର୍ବାଚନରେ ହାରିବା ଯୋଗୁଁ ତେଲଙ୍ଗାନାର ଏକ ସ୍କୁଲରେ ପଢୁଥିବା ୧୩ ବର୍ଷର ଛାତ୍ର ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ଭୋଙ୍ଗିର ଡିସିପିଙ୍କ ସୂଚନା ଅନୁଯାୟୀ, ଛାତ୍ର ଜଣଙ୍କ ଜୁଲାଇ ୧୮ ତାରିଖରେ ନିଖୋଜ ଥିଲେ । ଶନିବାର ରେଳ ଧାରଣା ନିକଟରୁ ଉକ୍ତ ଛାତ୍ରଙ୍କ ମୃତଦେହ ଉଦ୍ଧାର ହୋଇଛି ।
ସୂଚନାଯୋଗ୍ୟ, ଶ୍ରେଣୀ ଗୃହର ନେତୃତ୍ବ ନିର୍ବାଚନରେ ହାରିବା ପରେ ସେ ବହୁତ ଚିନ୍ତିତ ଥିଲା। ସେହି କାରଣରୁ ସେ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ପୁଲିସ ଏହି ଘଟଣାକୁ ନେଇ ଏକ ମାମଲା ରୁଜୁ କରିବା ପରେ ଛାନଭିନ୍ ଆରମ୍ଭ କରିଛି ।
