ମାଲକାନଗିରି: ମାଲକାନଗିରି ଜିଲା ସୀମାନ୍ତରେ ଥିବା ସ୍ବାଭିମାନ ଅଞ୍ଚଳରେ ପୁଣି ମାଓବାଦୀ ମାତିଛନ୍ତି। ରାଲେଗଡ଼ା ପଞ୍ଚାୟତ ସୀମାନ୍ତବର୍ତ୍ତୀ ଆନ୍ଧ୍ରପ୍ରଦେଶର ବୀରବରମ ଗ୍ରାମରେ ମାଓବାଦୀମାନେ ଗୁରୁବାର ଭୋର ସମୟରେ ଦୁଇ ଜଣଙ୍କୁ ହତ୍ୟା କରିଛନ୍ତି।
ମିଳିଥିବା ସୂଚନା ମୁତାବକ, ଗୁରୁବାର ଭୋର ସମୟରେ କେତେଜଣ ମାଓବାଦୀ ବୀରବରମ ଗାଁକୁ ଆସି ଭାସ୍କର ରାଓ ଏବଂ ସତୀ ବାବୁ ନାମକ ଦୁଇ ବ୍ୟକ୍ତିଙ୍କୁ ଘରୁ ଡାକିନେଇଥିଲେ। ପରେ ସେମାନଙ୍କୁ ହତ୍ୟା କରିଥିଲେ। ପୁଲିସ ଇନଫର୍ମର ସନ୍ଦେହରେ ଏହି ଦୁଇଜଣଙ୍କୁ ହତ୍ୟା କରାଯାଇଥିବା ଦର୍ଶାଇ ମାଓବାଦୀମାନେ ଘଟଣାସ୍ଥଳରେ ପୋଷ୍ଟର ଲଗାଇଛନ୍ତି। ଘଟଣା ପରେ ସୀମାନ୍ତବର୍ତ୍ତୀ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି।
