ଭୁବନେଶ୍ୱର: ଦୂରଦର୍ଶନ କେନ୍ଦ୍ର ଭୁବନେଶ୍ୱର ପକ୍ଷରୁ ଆସନ୍ତା ଶ୍ରୀ ଗୁଣ୍ଡିଚା ଯାତ୍ରା ନେଇ ବ୍ୟାପକ ବ୍ୟବସ୍ଥା ହୋଇଥିବା ଜଣାପଡିଛି। ଏ ସମ୍ପର୍କରେ ଗଣମାଧ୍ୟମକୁ ସୂଚନାଦେଇ ଭୁବନେଶ୍ୱର ଦୂରଦର୍ଶନ ଇଞ୍ଜିନିୟରିଂ ବିଭାଗ ଉପମହାନିର୍ଦ୍ଦେଶକ ଧ୍ରୁବ ନନ୍ଦ ଏବଂ କାର୍ଯ୍ୟକ୍ରମ ମୁଖ୍ୟ ନୀଳାଦ୍ରି ମୋହନ ଶତପଥୀ କହିଛନ୍ତି ଯେ, ଜୁଲାଇ ୪ରେ ଅନୁଷ୍ଠିତ ହେବାକୁ ଥିବା ରଥଯାତ୍ରାର ସିଧା ପ୍ରସାରଣ ଦୂରଦର୍ଶନର ଓଡ଼ିଆ ଚ୍ୟାନେଲ ସମେତ ଡିଡି ନେସନାଲ, ଡିଡି ଭାରତୀ, ଡିଡି ଇଣ୍ଡିଆ ଏବଂ ଡିଡି ବଙ୍ଗଳାରେ ସକାଳ ୮ଟା ୩୦ମିନିଟରୁ ହେବ।
ଚଳିତ ଥର ଦୂରଦର୍ଶନ ପକ୍ଷରୁ ରଥଯାତ୍ରା ସିଧା ପ୍ରସାରଣ ସମୟରେ ଦର୍ଶକମାନେ ରଥ ଯାତ୍ରା ଏବଂ ଶ୍ରୀ ଜଗନ୍ନାଥ ତତ୍ତ୍ୱ ଓ ଦର୍ଶନ ସମ୍ପର୍କିତ ପ୍ରଶ୍ନର ଉତ୍ତର ପାଇପାରିବେ। ଏଥିପାଇଁ ଦର୍ଶକମାନେ ହ୍ଵାଟ୍ସଆପ ନମ୍ବର ୯୪୩୯୧୬୭୩୯୨ରେ ପ୍ରଶ୍ନ ଟାଇପ କରି ପଠାଇବାକୁ ପଡିବ।
