ପିପିଲି: ଯୋଗ ମହୋତ୍ସବ ସମିତି ପିପିଲି ଶାଖା ପକ୍ଷରୁ ଶୁକ୍ରବାର ସକାଳେ ପିପିଲି ମିଶନ ପଡିଆ, ଦାଣ୍ଡମୁକୁନ୍ଦପୁର, ମଙ୍ଗଳପୁର, ନୂଆଶାସନ, ସଁପୁର, କଣ୍ଟି, ବଡସରଘାଇଲ, ବାରିମୂଳ, ଭାରତୀପୁର, ହସନପୁର, ଦରଡା, ଆରୁହା, ଭୋଇଗୁଣ, ସଙ୍ଗୁଳାଇ, କମଳାସାଗରପାଟଣା, ଚନ୍ଦ୍ରାଦେଇପୁର, ଜନାର୍ଦ୍ଦନପୁର ଆଦି ସ୍ଥାନରେ ଆନ୍ତର୍ଜାତିକ ଯୋଗ ଦିବସ ପାଳିତ ହୋଇଯାଇଛି ।
ଯୋଗ ସଂଯୋଜକ ପ୍ରଭାତ କୁମାର ମହାପାତ୍ରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ଯୋଗ ଶିବିର ମାନଙ୍କରେ ଯୋଗଗୁରୁ ବଂଶୀଧର ସାହୁ, ସଞ୍ଜୟ କୁମାର ନନ୍ଦୀ, ସଂଜୀବ ସେଠୀ, ଲକ୍ଷ୍ମୀଧର ସାହୁ, ଅଭିଷେକ ଲେଙ୍କା, ରଣଜିତ ପଣ୍ଡା, ରଜନୀକାନ୍ତ ପଣ୍ଡା, ଶିଶିର ମହାନ୍ତି, ପ୍ରଭାକର ସେଠୀ, ପ୍ରଦୀପ୍ତ କୁମାର ଘଡେଇ, ପିପିଲି କଲେଜ ଏନ୍ସିସି ବିଭାଗ ଅଧ୍ୟାପକ ଆଦିତ୍ୟ ପ୍ରସାଦ ରଥ, ପିପିଲି ହାଇସ୍କୁଲର ପ୍ରଧାନ ଶିକ୍ଷୟିତ୍ରୀ ନିବେଦିତା ମହାନ୍ତି, ବରିଷ୍ଠ ନାଗରିକ ଇଂ ରମେଶ ଚନ୍ଦ୍ର ଶତପଥୀ, ଭଗବାନ ସେଠୀ, ସୁରେଶ କୁମାର ରଥ ପ୍ରମୁଖ ଯୋଗଦେଇ ଯୋଗର ଉପକାରିତା ସଂପର୍କରେ ପ୍ରକାଶ କରିବା ସହ ବିଭିନ୍ନ ରୋଗର ନିରାକରଣ ନିମନ୍ତେ ବିଭିନ୍ନ ପ୍ରକାର ଯୋଗର ପ୍ରଶିକ୍ଷଣ ପ୍ରଦାନ କରିଥିଲେ । ଏଥିରେ ଅଞ୍ଚଳର ଶତାଧିକ ସ୍କୁଲ ଓ କଲେଜର ଛାତ୍ରଛାତ୍ରୀ, ବୁଦ୍ଧିଜିବୀ, ବିଭିନ୍ନ ଅନୁଷ୍ଠାନର ସଦସ୍ୟ ଓ ବରିଷ୍ଠ ନାଗରିକ ମାନେ ଯୋଗ ଦେଇଥିଲେ ।
