ମୁମ୍ବଇ: ମୁମ୍ବଇର ଧାରଭିସ୍ଥିତ ପିଏମଜିପି କଲୋନୀରେ ନିର୍ମାଣଧୀନ ଅଟ୍ଟାଳିକା କିଛି ଅଂଶ ଭୁଶୁଡି ପଡିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ତିନି ଜଣ ଗୁରୁତର ହୋଇଛନ୍ତି । ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ରବିବାର ରାତିରେ ଏହି ଅଘଟଣ ଘଟିଛି । ଖବର ପାଇ ଘଟଣାସ୍ଥଳରେ ସ୍ଥାନୀୟ ପୁଲିସ ଓ ଦମକଳ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଠିକାଦାରଙ୍କ ଅବହେଳା ଯୋଗୁଁ ଏହି ଅଘଟଣା ଘଟିଥିବା ଅଭିଯୋଗ ହୋଇଛି ।
- Advertisement -
ସ୍ଥାନୀୟ ବାସିନ୍ଦାଙ୍କ ସୂଚନା ଅନୁଯାୟୀ, ରବିବାର ରାତି ପ୍ରାୟ ସାଢେ ୧୦ଟାରେ ନିର୍ମାଣଧୀନ ଅଟ୍ଟାଳିକାରୁ ଏକ ପାଇପ୍ ଖସି ଏକ ଅଟୋ ଉପରେ ପଡିଥିଲା । ଫଳରେ ଅଟୋ ଚାଳକଙ୍କ ମୃତ୍ୟୁ ଘଟିଛି । ଏହା ସହ ପାଇପ୍ ଖସି ପଡିବା ଦ୍ବାରା ଅନ୍ୟ ୩ ଜଣ ବାଇକ୍ ଆରୋହୀ ମଧ୍ୟ ଗୁରୁତର ହୋଇଛନ୍ତି ।
