ଜାମ୍ମୁ: ଜାମ୍ମୁ ବସ୍ଷ୍ଟାଣ୍ଡରେ ଗୁରୁବାର ହୋଇଥିବା ଗ୍ରେନେଡ ବିସ୍ଫୋରଣରେ ମୃତ୍ୟୁ ସଂଖ୍ୟା ୨କୁ ବୃଦ୍ଧି ପାଇଛି। ବସ୍ଷ୍ଟାଣ୍ଡରେ ଛିଡ଼ା ହୋଇଥିବା ଏକ ବସ୍ ତଳକୁ ଗ୍ରେନେଡ ଫିଙ୍ଗାଯାଇ ବିସ୍ଫୋରଣ ଘଟିଥିଲା। ଘଟଣାଦିନ ଏଥିରେ ମହମ୍ମଦ ଶାରିକ ନାମକ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୩୦ରୁ ଅଧିକ ଆହତ ହୋଇଥିଲେ। ଶୁକ୍ରବାର ସକାଳେ ଚିକିତ୍ସାଧୀନ ଅବସ୍ଥାରେ ଅନ୍ୟ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି।
ଘଟଣା ପରେ ପୁଲିସ ଗ୍ରେନେଡ ଫିଙ୍ଗିଥିବା ଅଭିଯୁକ୍ତ ୟାସିର ଭଟ୍ଟଙ୍କୁ ଗିରଫ କରିଥିଲା। ସେ ହିଜବୁଲ ମୁଜାହିଦ୍ଦିନ ଆତଙ୍କବାଦୀ ସଂଗଠନର ସଦସ୍ୟ ବୋଲି ଜଣାପଡ଼ିଛି। ସଂଗଠନର ନିର୍ଦେଶ ଅନୁଯାୟୀ ସେ ଏହି ବିସ୍ଫୋରଣ ଘଟାଇଥିବା ସ୍ବୀକାର କରିଛନ୍ତି।
- Advertisement -
ସୂଚନାଯୋଗ୍ୟ, ଆତଙ୍କବାଦୀ ସଂଗଠନଗୁଡ଼ିକ କାଶ୍ମୀରରେ ଆକ୍ରମଣ କରିଆସୁଥିଲେ। କିନ୍ତୁ ଏଥର ଜାମ୍ମୁକୁ ଟାର୍ଗେଟ କରିଛନ୍ତି। ସେନା ଏବଂ ପୁଲିସ ବ୍ୟତୀତ ସାଧାରଣ ନାଗରିକଙ୍କୁ ମଧ୍ୟ ଆତଙ୍କବାଦୀମାନେ ଟାର୍ଗେଟ କରୁଛନ୍ତି।
