ନୂଆଦିଲ୍ଲୀ : ସୁପ୍ରିମକୋର୍ଟରେ ବୁଧବାର ଅଯୋଧ୍ୟା ମାମଲାର ଶୁଣାଣି ଶେଷ ହୋଇଛି। ତେବେ କୋର୍ଟ ରାୟ ସଂରକ୍ଷିତ ରଖିଛନ୍ତି । ପ୍ରାୟ ଦେଢ ଘଣ୍ଟାର ଶୁଣାଣି ପରେ ସୁପ୍ରିମକୋର୍ଟ ଏହି ମାମଲାରେ ମଧ୍ୟସ୍ଥତା ଉପରେ ନିଜର ରାୟ ସଂରକ୍ଷିତ ରଖିଛନ୍ତି । ସମସ୍ତ ପକ୍ଷ ସହିତ ଆଲୋଚନା ପରେ ଚୁଡାନ୍ତ ରାୟ ଘୋଷଣା କରାଯିବ । ପ୍ରଧାନ ବିଚାରପତି ରଂଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ୫ ସଦସ୍ୟ ସମ୍ବିଧାନ ପୀଠରେ ମାମଲାର ଶୁଣାଣି ହୋଇଛି। ଆଲୋଚନା ମାଧ୍ୟମରେ ସମସ୍ୟାର ସମାଧାନ ହେବା ଦରକାର ବୋଲି ସମ୍ବିଧାନ ପୀଠ ମଙ୍ଗଳବାର ମତ ଦେଇଥିଲେ।
ବୁଧବାର ମାମଲାର ଶୁଣାଣି ସମୟରେ ସମ୍ବିଧାନ ପୀଠାର ବିଚାରପତି ଏସ.ଏ ବୋବଡେ କହିଛନ୍ତି କି ଏହା କେବଳ ଏକ ଜମି ବିବାଦ ନୁହେଁ ବରଂ ଲୋକଙ୍କ ଭାବନା, ଧର୍ମ ଏବଂ ବିଶ୍ବାସ ସହିତ ଜଡିତ ମାମଲା ।
ଅନ୍ୟପକ୍ଷରେ ମାମଲାର ଣୀଘ୍ର ଶୁଣାଣି ଶେଷ କରିବାକୁ ଚାହୁଁଥିବା ପ୍ରଧାନ ବିଚାରପତି କହିଛନ୍ତି । ତେବେ ଏହି ମାମଲାରେ ମଧ୍ୟସ୍ଥତା ପାଇଁ ତିନୋଟି ନାମର ପ୍ରସ୍ତାବ ଦେବାକୁ କୋର୍ଟ ତିନି ପକ୍ଷଙ୍କୁ କହିଛନ୍ତି । ତେବେ ମୁସଲମାନ ସଂପ୍ରଦାୟ ପକ୍ଷରୁ ମଧ୍ୟସ୍ଥି ନିଯୁକ୍ତି ପ୍ରକ୍ରିୟାକୁ ସ୍ବାଗତ କରାଯାଇଛି। ଅନ୍ୟପକ୍ଷରେ ଏହି ମାମଲାରେ ମନ୍ଦିର ପକ୍ଷ କହିଛନ୍ତି କି, ମସଜିଦ ଆଉ କେଉଁଠାରେ ନିର୍ମାଣ କରାଯାଉ । ସେହିପରି ରାମଲଲା ବିରାଜମାନ ଥିବା ପକ୍ଷର ଆଇନଜୀବୀ ସି.ଏସ ବୈଦ୍ୟନାଥନ କହିଛନ୍ତି,ଏହା ରାମ ଜନ୍ମଭୂମି । ରାମ ଜନ୍ମସ୍ଥଳୀକୁ ନେଇ କୌଣସି ବିବାଦ ନହେବା ଉଚିତ୍ । ତେଣୁ ମସଜିଦ ଅନ୍ୟ କୌଣସି ଠାରେ ନିର୍ମାଣ କରାଯିବା ଉଚିତ୍ ।
