ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ତିନୋଟି ପଂଚାୟତର ୮ଟି ଗ୍ରାମର ଚାଷୀ ମାନଙ୍କ ଜମିରେ ହୀରାଧାର ବାଟି କେନାଲ ପାଣି ବର୍ତମାନ ଛଡା ଯିବା ଫଳରେ ପାଚିଲା ଧାନ ଏବେ ଜମିରେ ଗଜା ପାଲଟିଛି । ଯାହାକୁ ନେଇ ଚାଷୀଙ୍କ ମଧ୍ୟରେ ଘୋର ଅସନ୍ତୋଷ ଦେଖିବାକୁ ମିଳିଛି । ଧାନ ଅମଳ କରି ଚାଷୀ ଘରକୁ ଆଣିବା ସମୟରେରେ ତାହା ନଷ୍ଟ ହେବାକୁ ଯାଉଛି । ଜାହାକି ଚାଷୀଙ୍କ ମୁଣ୍ଡରେ ଚଡ଼କ ପଡିବା ସଦୃଶ୍ୟ ହୋଇଛି । ଏହି ସମସ୍ୟା ଏବେ ଚାଷୀଙ୍କ କ୍ଷେତ୍ରରେ ଦେଖାଦେଇଛି l ଅନ୍ୟ ପଟେ ଏନେଇ କୃଷି ଅଧିକାରୀ ସମସ୍ୟା ସମାଧାନ କରିବା ଦୂରର କଥା କୃଷି କ୍ଷେତ୍ରକୁ ଦେଖିବାକୁ ମଧ୍ୟ୍ୟ ଯାଉନାହାନ୍ତି । ଯାହାକୁ ନେଇ ଚାଷୀଙ୍କ ମଧ୍ୟରେ ଉଦବେଗ ପ୍ରକାଶ ପାଉଛି । ସେହିପରି କେନାଲରେ ପାଣି ଛାଡୁ ଥିବା ଋଷିକୂଲ୍ୟା ଜଳ ସେଚନ ଉପ ବିଭାଗ ହୁମାର କନିଷ୍ଠ ଯନ୍ତ୍ରୀ ଏନେଇ ଯୋଗାଯୋଗ ବେଳେ ସେ କହିଛନ୍ତି ପନ୍ଦର ତାରିଖ ପର୍ଯ୍ୟନ୍ତ ପାଣି ଛଡ଼ାଯିବ ନେଇ ଷ୍ଟାଣ୍ଡିଙ୍ଗ ଆଦେଶ ରହିଛି ବୋଲି କହିଥିଲେ । ତାପରେ ବନ୍ଦ କରାଯିବ ବୋଲି କହିଥିଲେ । ସୂଚନା ଯୋଗ୍ୟ ଯେ ଅକ୍ଟୋବର ମାସରେ ବାତ୍ୟା ମୋନ୍ଥାର ପ୍ରଭାବରେ ବର୍ଷା, ପବନ ଯୋଗୁଁ କିଛି ମାତ୍ର ରେ ନଷ୍ଟ ହୋଇଥିଲା । ବଳକା ସେଥିରୁ କିଛି ପାଇବା ପାଇଁ ଚାଷୀ ଆଶା ବାନ୍ଧି ଥିବା ବେଳେ ବର୍ତମାନ କେନାଲରେ ପାଣି ଛଡା ଯିବା ଫଳରେ ତାହା ଏବେ ଚାଷୀଙ୍କ ସମସ୍ୟାକୁ ଦିଗୁଣିତ କରିଦେଇଛି । ପାଳିବନ୍ଧ, ହୁମା, ଓ ରାମଗଡ଼ ପଂଚାୟତ ବିଭିନ୍ନ ଗ୍ରାମ ଯଥା ହୁମା ଗ୍ରାମ, ଖଟୁଆକୁଦା, କଣ୍ଟିଆଗଡ଼, ପୋଡାଗଡ଼, ଝାଟିପଦର, ବରପଲ୍ଲୀ, ରଘୁନାଥପୁର, ନୀଳାଦ୍ରିପୁର ଗ୍ରାମର ଚାଷୀ ବର୍ତମାନ ଘୋର ଅସୁବିଧାରେ ରହିଛନ୍ତି । ଧାନ ଫସଲ କାଟି ଘରକୁ ଆଣିବା ସମୟରେ ବର୍ତମାନ ହୀରାଧାର ବାଟି କେନାଲରେ ପାଣି ଆସୁଥିବା ଯୋଗୁଁ ପାଣି ପଶି ପାଚିଲା ଧାନ ବିଲରେ ଗଜା ହୋଇଯାଇଛି । ଫଳରେ ଚାଷୀ ମାନେ ବ୍ୟାପକ କ୍ଷତି ହୋଇଛି ।
ଏବେ ଶହ ଶହ ହେକ୍ଟର ଚାଷ ଜମିରବ ପାଣି ଜମି ରହିଥିବା ବେଳେ ଚିନ୍ତା ଘାରିଛି ଚାଷୀଙ୍କୁ । କଣ କରିବେ ଚାଷୀ ତାହା ଏବେ ସେମାନଙ୍କ ଆର୍ଥିକ ମେରୁଦଣ୍ଡକୁ ଭାଙ୍ଗି ଦେଇଛି । ପ୍ରଶାସନ ଦୃଷ୍ଟି ଦେଇ ଚାଷୀ ଆବଶ୍ୟକ କ୍ଷତି ପୂରଣ ଦେବାକୁ ଦାବୀ ହେଉଛି l
