ଭୀଷଣ ବାତ୍ୟା ହେବ ବୋଲି କହୁଥିଲା ପାଣିପାଗ ବିଭାଗ । ଘଣ୍ଟାକୁ ୧୩ କିଲୋ ମିଟର ବେଗରେ ସ୍ଥଳ ଭାଗ ଆଡ଼କୁ ମାଡ଼ି ଆସୁଥିବା ଏହି ବାତ୍ୟା ଲ୍ୟାଣ୍ଡଫଲ୍ ବେଳେ ଶେହରୁ ଅଧିକ କିଲୋ ମିଟର ବେଗରେ ପବନ ବହିବ ବୋଲି ଆକଳନ କରିଥିଲା ବିଭାଗ । ଯାହା ଫଳରେ ପ୍ରବଳ ବର୍ଷା ସାଙ୍ଗକୁ ଖୁବ୍ ଜୋରରେ ପବନ ହେବ ବୋଲି ଆକଳନ ହୋଇଥିଲା । କିନ୍ତୁ ବାସ୍ତବରେ ସେମିତି କିଛି ହେଲା ନାହିଁ । ଫୁସକି ଗଲା ବାତ୍ୟା ମନ୍ଥା । ଏହାର କାରଣ କଣ ଜାଣନ୍ତି । ଥଣ୍ଡା ପାଣି ସବୁ ବିଗାଡ଼ି ଦେଲା । ଏହି ସୂଚନା ଦେଇଛନ୍ତି ପାଣିପାଗ ବିଶେଷଜ୍ଞ ଶରତ ସାହୁ ।
ଘୂର୍ଣ୍ଣିଝଡ଼ ମନ୍ଥା ହଠାତ୍ ଉପକୂଳ ନିକଟରେ ଦୁର୍ବଳ ହୋଇଗଲା । କାରଣ ବାତ୍ୟା ମଧ୍ୟରେ ଥଣ୍ଡା ପାଣି ପ୍ରବେଶ କରିଥିଲା ଏବଂ ବାୟୁ ସୁପ୍ତ ଉତ୍ତାପ ମୁକ୍ତ ହୋଇଥିଲା, ଫଳରେ ସମୁଦ୍ର ଜଳ ଉପଯୁକ୍ତ ତାପମାତ୍ରା ବଜାୟ ରଖିବା ପାଇଁ ଯଥେଷ୍ଟ ହେଲା ନାହିଁ । ଏହାପରେ ଗତ ତିନି ଘଣ୍ଟା ମଧ୍ୟରେ ମେଘ ପଶ୍ଚିମ ଦିଗକୁ ଗତି କରୁଛି ଏବଂ ଆନ୍ଧ୍ର ପ୍ରଦେଶ ସଂଲଗ୍ନ ଦକ୍ଷିଣ ଓଡ଼ିଶାରେ ସ୍ପଷ୍ଟ ହେଉଛି। ତେଣୁ, ଆଜିଠାରୁ ଅକ୍ଟୋବର 30 ତାରିଖ ପର୍ଯ୍ୟନ୍ତ ଓଡ଼ିଶାର ଦକ୍ଷିଣ ଏବଂ ପଶ୍ଚିମ ଅଂଶ ସମେତ ଆଭ୍ୟନ୍ତରୀଣ ଜିଲ୍ଲାଗୁଡ଼ିକରେ ହାଲୁକାରୁ ମଧ୍ୟମ ବର୍ଷା ହୋଇପାରେ। ତଥାପି, ଏହି ସମୟ ମଧ୍ୟରେ ପ୍ରବଳ ଝଡ଼ବର୍ଷା ହୋଇପାରେ। ଭୁବନେଶ୍ୱର ସମେତ ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ ଆସନ୍ତାକାଲି ହାଲୁକାରୁ ମଧ୍ୟମ ବର୍ଷା ହୋଇପାରେ।
