ପାଟନା: ବିହାର ବିଧାନସଭା ନିର୍ବାଚନ ପାଇଁ ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ତେଜସ୍ବୀ ଯାଦବ ବୁଧବାର ଭୋଟରଙ୍କୁ ବଡ ପ୍ରତିଶ୍ରୁତି ଦେଇଛନ୍ତି। ତେଜସ୍ବୀଙ୍କ ପ୍ରତିଶ୍ରୁତି ହେଉଛି ବିହାର ନିର୍ବାଚନରେ ଯଦି ତାଙ୍କ ଦଳ ସରକାର ଗଠନ କରେ ତେବେ ସମସ୍ତ ଜୀବିକା ଦିଦିଙ୍କୁ ସରକାରୀ କର୍ମଚାରୀର ମାନ୍ୟତା ପ୍ରଦାନ କରାଯିବ। ଏହା ସହିତ ସରକାରଙ୍କ ବିଭିନ୍ନ ବିଭାଗରେ ଠିକାରେ ନିଯୁକ୍ତ ହୋଇଥିବା କର୍ମଚାରୀଙ୍କୁ ସ୍ଥାୟୀ ସରକାରୀ କର୍ମଚାରୀ କରାଯିବ। ଜୀବିକା ଦିଦିଙ୍କୁ ମାସିକ ୩୦ହଜାର ଟଙ୍କା ଦରମା ପ୍ରଦାନ କରାଯିବ। ସେହିପରି ଠିକା କର୍ମଚାରୀଙ୍କୁ ସ୍ଥାୟୀ କରାଯାଇ ସେମାନଙ୍କୁ ଧାର୍ଯ୍ୟ ବେତନ ହାର ଅନୁଯାୟୀ ଦରମା ପ୍ରଦାନ କରାଯିବ। ଜୀବିକା ଦିଦିମାନେ ନେଇଥିବା ସମସ୍ତ ଋଣକୁ ଛାଡ କରିଦିଆଯିବ। ସେମାନଙ୍କୁ ୨ବର୍ଷ ବିନା ସୁଧରେ ଋଣ ଯୋଗାଇ ଦିଆଯିବ। ଜୀବିକା ଦିଦିଙ୍କୁ ଅନ୍ୟାନ୍ୟ ସରକାରୀ କାର୍ଯ୍ୟ ଲାଗି ମାସିକ ୨ହଜାର ଟଙ୍କା ଦିଆଯିବ। ଏହା ସହିତ ସେମାନଙ୍କୁ ୫ଲକ୍ଷ ଟଙ୍କାର ମାଗଣା ବୀମା ଯୋଗାଇ ଦିଆଯିବ। ଏହା ପୂର୍ବରୁ ତେଜସ୍ବୀ ଘୋଷଣା କରିଥିଲେ ଯେ ଆରଜେଡି ବିହାରରେ ସରକାର ଗଠନ କଲେ ପ୍ରତ୍ୟେକ ପରିବାର ଜଣେ ସଦସ୍ୟଙ୍କୁ ସରକାରୀ ଚାକିରି ପ୍ରଦାନ କରାଯିବ। ଏନଡିଏ ଏହାର ମହିଳା ଭୋଟରଙ୍କୁ ଆକୃଷ୍ଟ କରିବା ଲାଗି ଗତ ସେପ୍ଟେମ୍ବରରେ ମୁଖ୍ୟମନ୍ତ୍ରୀ ମହିଳା ରୋଜଗାର ଯୋଜନା ଆରମ୍ଭ କରିଛି। ଏହି ଯୋଜନାରେ ପ୍ରତି ମହିଳାଙ୍କୁ ୧୦ହଜାର ଟଙ୍କା ଲେଖାଏଁ ଆର୍ଥିକ ସହାୟତା ପ୍ରଦାନ କରାଯାଉଛି।
Popular Categories
Previous article
Next article