ନୂଆପଡ଼ା: ନୂଆପଡ଼ା ଜିଲ୍ଲା ସଦର ମହକୁମା ଖୁଣ୍ଟିଆ ଭବନରେ ଜାତୀୟ କଂଗ୍ରେସର ଏକ ମିଶ୍ରଣ ପର୍ବ ଗୁରୁବାର ରାତିରେ ଅନୁଷ୍ଠିତ ହୋଇଯାଇଛି। ପିସିସି ସଭାପତି ଭକ୍ତ ଚରଣ ଦାସଙ୍କ ସଭାପତିତ୍ବରେ ଆୟୋଜିତ ଏହି ମିଶ୍ରଣ ପର୍ବରେ କଣ୍ଟାବାଞ୍ଜିର ପୂର୍ବତନ ବିଧାୟକ ସନ୍ତୋଷ ସିଂ ସାଲୁଜା, ରାଷ୍ଟ୍ରୀୟ ପ୍ରବକ୍ତା ଡ଼ ହମିଦ ହୁସେନ, ଜିଲ୍ଲା ପରିଷଦ ସଦସ୍ୟ ଭାରତ ଲାଲ ରାଉତ, ଦଳୀୟ ନେତା ଟଙ୍କଧର ସାହୁ, ଅଭିଷେକ ସେଠ୍, ରାଉରକେଲାର ପୂର୍ବତନ ଜିଲ୍ଲା ସଭାପତି ଜ୍ଞାନେନ୍ଦ୍ର, କଂଗ୍ରେସ ନେତା ଅଙ୍କିତ ସିଙ୍ଘାଇ, ମହେଶ ନିଆଲ୍, ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ନୂଆପଡ଼ା ବିଜୁ ଜନତା ଦଳ ସଂପାଦକ ସୁଧୀର ମିଶ୍ର ୟଙ୍କ ଘର ବାହୁଡା଼ ହୋଇଛି। ତାଙ୍କ ସହ ବହୁ ସମର୍ଥକ କଂଗ୍ରେସରେ ଯୋଗଦେଇଛନ୍ତି। ନୂଆପଡ଼ା ଉପନିର୍ବାଚନ ବିଧାୟକ ପ୍ରାର୍ଥୀ ଘାସିରାମ ମାଝୀ ସମସ୍ତଙ୍କୁ ସ୍ଵାଗତ କରିଥିଲେ। କାର୍ଯ୍ୟକ୍ରମକୁ ଯୁବ ନେତା ରବି ମଙ୍ଗରାଜ ପରିଚାଳନା କରିଥିଲେ।
Popular Categories
Previous article
Next article