ଭୁବନେଶ୍ୱର,୬ା୧୦(ନି.ପ୍ର): ପୁଲିସ ଏସ୍ଆଇ ପରୀକ୍ଷା ଅନିୟମିତତା ପ୍ରତିବାଦରେ ଯୁବ ଛାତ୍ର କାନ୍ତି ସେନା ପକ୍ଷରୁ ଉଚ୍ଚସ୍ତରୀୟ ତଦନ୍ତ ଦାବି କରାଯାଇଛି। ଆବାହକ ପାର୍ଥସାରଥି ମୁଦୁଲିଙ୍କ ଆବାହକତ୍ବରେ ଅନୁଷ୍ଠିତ ସମ୍ମିଳନୀରେ ଦର୍ଶାଯାଇଛି ଯେ, ରାଜ୍ୟରେ ପୁଲିସ ଏସ୍ଆଇ, ଅମିନ, ଆରଆଇ ପରୀକ୍ଷା ଓଟିଇଟି ଓ ଏଏସ୍ଓ ପରୀକ୍ଷା ଦୁର୍ନୀତିର ସିବିଆଇ ତଦନ୍ତ ହେବା ଦରକାର। ଏହି ନିଯୁକ୍ତି ପ୍ରକ୍ରିୟାରେ ପ୍ରଭାବଶାଳୀ ଅଫିସର ଓ ରାଜନେତାଙ୍କ ସମ୍ପୃକ୍ତି ରହିଛି। ପୁଲିସ ଏସ୍ଆଇ ନିଯୁକ୍ତି ପରୀକ୍ଷାରେ ୯୩୩ଟି ପଦବୀ ପୂରଣ ଦାୟିତ୍ବ ୩ରୁ ୪ଟି ପର୍ଯ୍ୟାୟରେ ଘରୋଇ ସଂସ୍ଥାକୁ ଦାୟିତ୍ବ ଦେବା ପଛରେ କେଉଁମାନଙ୍କର ସମ୍ପୃକ୍ତି ରହିଛି। ଏସବୁ ପରୀକ୍ଷାର ସିବିଆଇ ତଦନ୍ତ ହେଲେ ବହୁ ନେତାଙ୍କ ସମେତ ଅନେକ ପ୍ରଶାସନିକ ଅଧିକାରୀଙ୍କ ସମ୍ପୃକ୍ତି ଲୋକଲୋଚନକୁ ଆସିପାରିବ ବୋଲି ଶ୍ରୀ ମୁଦୁଲି ଦାବି କରିଛନ୍ତି। ସମ୍ମିଳନୀରେ ମୁଖପାତ୍ର କ୍ଷିତୀଶ ଚନ୍ଦ୍ର ବାରିକ ଓ ଛାତ୍ର ସଂଗଠକ ଆଦର୍ଶ ସେନ ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article