ପୁଣି ଅନଲାଇନରେ ମହାପ୍ରସାଦ ବିକ୍ରୀ ବିଜ୍ଞାପନ

ପୁରୀ: ପୁରୀ ଶ୍ରୀଜଗନ୍ନାଥ ମହାପ୍ରଭୁଙ୍କ ଅନଲାଇନରେ ମହାପ୍ରସାଦ ବିକ୍ରୀ ନେଇ ପୂର୍ବରୁ ଅନେକ ଥର ବିବାଦ ସୃଷ୍ଟି ହୋଇଥିବା ବେଳେ ପୁଣି ଥରେ ଅନଲାଇନରେ ମହାପ୍ରସାଦ ବିକ୍ରୀ ବିଜ୍ଞାପନ ଯୋଗୁ ଶ୍ରୀ ଜଗନ୍ନାଥ ମନ୍ଦିର ସେବକ ଓ ଭକ୍ତ ବିରୋଧ କରିଛନ୍ତି। ସନାତନ ସିଦ୍ଧି ଡଟ କମ୍ ଏଭଳି ବିଜ୍ଞାପନ ବିଭିନ୍ନ ସାମାଜିକ ଗଣମାଧ୍ୟମରେ ଦେଇଛି। ଏହାକୁ ତେବେ ଶ୍ରୀ ମନ୍ଦିର ପରିବର୍ତ୍ତେ ଅନ୍ୟ ଏକ ମନ୍ଦିରର ଅନ୍ନ ବ୍ୟଞ୍ଜନ ମହାପ୍ରସାଦ କହି ବିକ୍ରୀ କରାଯାଉଥିବା ଜଣାପଡିଛି। ସମ୍ପୃକ୍ତ ୱେବସାଇଟ sanatansiddhi.comରେ ଅନଲାଇନ ଜରିଆରେ ମହାପ୍ରସାଦ ମୂଲ୍ୟ ୨୧୦୦ ଟଙ୍କା ଦର୍ଶାଯାଇଥିବା ବେଳେ ରିହାତି ଦର ୫୦୧ ଟଙ୍କାରେ ଉପଲବଧ ହେବ ବୋଲି କୁହାଯାଇଛି। ସମ୍ପୃକ୍ତ ୱେବସାଇଟରେ ମଧ୍ୟ ଏକ ହ୍ଵାଟ୍ସଆପ ନମ୍ବର ୯୩୧୦୭୪୧୫୭୮ ଦିଆଯାଇଛି। ଏହା ଦିଲ୍ଲୀର ଏକ ସଂସ୍ଥା ହୋଇଥିବା ଅନୁମାନ କରାଯାଉଛି।