ସମାଜ ଡିଜିଟାଲ ଡେସ୍କ: ବ୍ରହ୍ମପୁରରେ ପୁଲିସ ଚାକିରିରେ ଜାଲିଆତି ଅଭିଯୋଗ ହୋଇଛି । ପୁଲିସ ସବ-ଇନ୍ସପେକ୍ଟର ଚାକିରିରେ ଜାଲିଆତି ପାଇଁ ବଡ ଡିଲ୍ ହୋଇଥିବା ସୂଚନା ମିଳିଛି । କୁହାଯାଉଛି ଯେ ପରୀକ୍ଷା ପରିଚାଳନା ଦାୟିତ୍ୱ ନେଇଥିବା ସଂସ୍ଥା ଆଶାୟୀଙ୍କୁ ସ୍ପେଶାଲ୍ କୋଚିଂ ଦେବାକୁ ହାଇଦ୍ରାବାଦ ନେଉଥିଲେ । ୧୦୦ରୁ ଅଧିକ ଆଶାୟୀଙ୍କୁ ହାଇଦ୍ରାବାଦ ନେଥ କୋଚିଂ ଦେବାକୁ ପ୍ରୟାସ କରୁଥିଲେ ବୋଲି ଜଣାପଡିଛି । ହେଲେ ବ୍ରହ୍ମପୁର ପୁଲିସ ସେମାନଙ୍କୁ ପିଛା କରି ଅଟକ ରଖିଥିବା ସୂଚନା ମିଳିଛି ।
ଆନ୍ଧ୍ରପ୍ରଦେଶ ଶ୍ରୀକାକୁଲମରେ ପୁଲିସ ଧରିବା ପରେ ବ୍ରହ୍ମପୁର ଆଣି ପଚରାଉଚରା କରୁଥିବା ସୂଚନା ମିଳିଛି । ହେଲେ ଏହି ଜାଲିଆତି ପଛରେ କିଏ ସେନେଇ ପୁଲିସ ବିଭାଗ ଛାନଭିନ୍ ଆରମ୍ଭ କରିଛି । ତେବେ ପୁଲିସ ଚାକିରି ଜାଲିଆତି ପଛରେ କେଉଁମାନେ ରହିଛନ୍ତି ତାହାକୁ ନେଇ ପ୍ରଶ୍ନ ଉଠିଛି ।
ସେପଟେ ପୁଲିସ ବିଭାଗ ପକ୍ଷରୁ ହେଲପ ଲାଇନ୍ ନମ୍ବର ଜାରି ରହିଛି । ନମ୍ବର ହେଉଛି ୯୦୪୦୪୯୩୨୨୩ । ଯାହାର ବି ଅଭିଯୋଗ ଥିବା ଏହି ନମ୍ବରରେ ଜଣାଇ ପାରିବେ ବୋଲି କୁହାଯାଇଛି । ସ୍ୱଚ୍ଛତାର ସହ ସିପିଏସଇ-୨୦୨୪ ପରୀକ୍ଷା ପାଇଁ ପଦକ୍ଷେପ ନିଆଯାଇଛି । କିଛି ଅସାଧୁ ବ୍ୟକ୍ତି ପରୀକ୍ଷାର୍ଥୀଙ୍କୁ ଭୁଲ୍ ବାଟକୁ ନେବା ଉଦ୍ୟମ ପ ରେ ତତ୍ପରତା ପ୍ରକାଶ ପାଇଛି । ଆସନ୍ତା ଅକ୍ଟୋବର ୫ ଓ ୬ ତାରିଖରେ ସବୁ ଜିଲାରେ ପୁଲିସ ଏସଆଇ ପରୀକ୍ଷା ରହିଛି । ଲାଞ୍ଚ ଦେବା ଓ ନେବାରେ ସଂପୃକ୍ତ ହେଲେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ଦିଆଯାଇଛି ।
