ସମାଜ ଡିଜିଟାଲ ଡେସ୍କ: ନେପାଳରେ ଜେନ୍-ଜେଡ୍ ପ୍ରତିବାଦ ଓ ହିଂସାର ଅନ୍ତ ଘଟିଛି ସତ କିନ୍ତୁ ଏହାର ସିଧାସଳଖ ପ୍ରଭାବ ପର୍ଯ୍ୟଟନ ଶିଳ୍ପ ଉପରେ ପଡିଛି । ମାତ୍ର ଦୁଇ ଦିନର ହିଂସାତ୍ମକ ଆନ୍ଦୋଳନରେ ଓଲି ସରକାର ଭଙ୍ଗ ହେବା ପରେ ଏବେ ଏକ ମଧ୍ୟବର୍ତ୍ତୀକାଳୀନ ସରକାର ଗଠିତ ହୋଇଛି । ଯାହାର ନେତୃତ୍ୱ ନେଇଛନ୍ତି ସୁଶୀଲା କାର୍କି । କିନ୍ତୁ ଏସବୁ ବ୍ୟତୀତ ନେପାଳର କ୍ଷତି ମଧ୍ୟ ଏହାର ଅର୍ଥନୀତି ପାଇଁ ଏକ ସଙ୍କଟ ପାଲଟିଛି । ହଁ ନେପାଳ ଏକ ପ୍ରମୁଖ ପର୍ଯ୍ୟଟନ କ୍ଷେତ୍ର ଯେଉଁଠାରେ ପର୍ଯ୍ୟଟନ ହିଁ ଅଧିକ ଆୟର ଉତ୍ସ । ଏହି ହିଂସାକାଣ୍ଡ ପରେ ସେଠାରେ ପର୍ଯ୍ୟଟନ ସମ୍ପୂର୍ଣ୍ଣ ଠପ୍ ହୋଇଛନ୍ତି ।
ନେପାଳ ଏପରି ଏକ ଦେଶ ଯାହା ସର୍ବଦା ପର୍ଯ୍ୟଟକଙ୍କ ସହିତ ପରିପୂର୍ଣ୍ଣ ହୋଇଥାଏ । କାଠମାଣ୍ଡୁରେ ସର୍ବାଧିକ ପର୍ଯ୍ୟଟନ ସ୍ଥଳୀ ରହିଛି । ଦିନ ରାତି ଥାମେଲରେ ଭିଡ଼ ରହୁଥିଲା, କିନ୍ତୁ ବର୍ତ୍ତମାନ ଏହି ଅଞ୍ଚଳ ନିର୍ଜନ ହୋଇଯାଇଛି । କେବଳ ଭାରତ ନୁହେଁ, ବିଶ୍ୱର ପ୍ରତ୍ୟେକ କୋଣରୁ ଲୋକମାନେ ଏଠାକୁ ବୁଲିବାକୁ ଆସୁଥିଲେ । ବିଶ୍ୱର ସାତଟି ଉଚ୍ଚ ପର୍ବତ ଏଠାରେ ଥିବାରୁ ନେପାଳକୁ ହିମାଳୟର କୋଣରେ ଅବସ୍ଥିତ ଅଞ୍ଚଳ ବୋଲି କୁହାଯାଏ । ଜେନ୍-ଜେଡ୍ ଙ୍କ ପ୍ରତିବାଦ ପରେ ଏଠାକାର ହୋଟେଲ ଗୁଡିକରେ ବୁକିଂ କ୍ରମାଗତ ଭାବରେ ବାତିଲ୍ କରାଯାଇଛି । ବୁକିଂ ବାତିଲ୍ ସଂଖ୍ୟା ୩୫ପ୍ରତିଶତ ବୋଲି କୁହାଯାଉଛି ।
ଥାମେଲରେ ଥିବା ଦୋକାନ, ପବ୍ ଏବଂ ରେଷ୍ଟୁରାଣ୍ଟ ଗୁଡିକରେ ପୂର୍ବରୁ ଗହଳି ରହୁଥିବା ବେଳେ ୧୫ ସେପ୍ଟେମ୍ବରଠାରୁ ନୀରବତା ରହିଛି । ଏହା କେବଳ ପର୍ଯ୍ୟଟନକୁ ପ୍ରଭାବିତ କରିନାହିଁ । ବରଂ ସ୍ଥାନୀୟ ବିକ୍ରେତା ଏବଂ ରେଷ୍ଟୁରାଣ୍ଟ ମାଲିକମାନଙ୍କୁ ମଧ୍ୟ ବଡ କ୍ଷତିର ସମ୍ମୁଖୀନ ହେବାକୁ ପଡୁଛି ।
ଜେନ୍-ଜେଡ୍ ପ୍ରତିବାଦ ବେଳେ ଆନ୍ଦୋଳନକାରୀମାନେ କୋଟି କୋଟି ଟଙ୍କାର ଅନେକ ବଡ ହୋଟେଲକୁ କ୍ଷତି ପହଞ୍ଚାଇଛନ୍ତି । ଯାହା ଯୋଗୁଁ ସେଗୁଡିକୁ ପୁଣି ଥରେ ମରାମତି କରିବାକୁ ପଡିବ । ଏଥିପାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହୋଇପାରେ ।
ସୂଚନା ଅନୁସାରେ ନେପାଳ ପର୍ଯ୍ୟଟନ କର୍ତ୍ତୃପକ୍ଷ ହୋଟେଲ ମାଲିକ ଏବଂ ଟ୍ରେକିଂ ଆୟୋଜକମାନଙ୍କୁ କହିଛନ୍ତି ଯେ ସେମାନଙ୍କ ଦ୍ୱାରା ପୂର୍ବରୁ ବୁକ୍ କରାଯାଇଥିବା ପର୍ଯ୍ୟଟକଙ୍କ ସଂଖ୍ୟା ପ୍ରାୟ ୩୦ପ୍ରତିଶତ ହ୍ରାସ ପାଇଛି । ହୋଟେଲ ବୁକିଂ ପାଇଁ ଆସୁଥିବା ୩୫ପ୍ରତିଶତ ଟ୍ରେକର ସେମାନଙ୍କର ବୁକିଂ ବାତିଲ କରିଛନ୍ତି ।
