ମୁମ୍ବାଇ : ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ୍ ପାୱାର ଓ ଜଣେ ପୁଲିସ ଅଧିକାରୀଙ୍କ ମଧ୍ୟରେ କଥାବାର୍ତ୍ତାର ଏକ ଭିଡିଓ ବର୍ତ୍ତମାନ ଦ୍ରୁତ ଗତିରେ ଭାଇରାଲ୍ ହେବା ସହ ଚର୍ଚ୍ଚାରେ ରହିଛି । ଏହି ଭିଡିଓରେ ଉପମୁଖ୍ୟମନ୍ତ୍ରୀ ଅଜିତ୍ ପାୱାର ପୁଲିସ ଅଧିକାରୀଙ୍କୁ କାର୍ଯ୍ୟ ରୋକିବାକୁ କହୁଛନ୍ତି । ଭାଇରାଲ୍ ହେଉଥିବା ଭିଡିଓ ଅନୁଯାୟୀ, ଉପମୁଖ୍ୟମନ୍ତ୍ରୀ କହୁଛନ୍ତି ଯେ, ‘ଏତେ ସାହସ ଅଛି ତୁମର, ତୁମ ଉପରେ ଆକ୍ସନ ନେବି କି, ଆକ୍ସନ ବନ୍ଦ କର ? ଏହି ଭିଡିଓ ଏବେ ଦ୍ରୁତ ଗତିରେ ଭାଇରାଲ୍ ହେବାରେ ଲାଗିଛି । ଭିଡିଓରେ ଉପମୁଖ୍ୟମନ୍ତ୍ରୀ ଅଜିତ ପାୱାର ଏବଂ ଏସଡିପିଓ ଅଞ୍ଜଳି କୃଷ୍ଣାଙ୍କ ମଧ୍ୟରେ ଯୁକ୍ତିତର୍କ ହେଉଥିବା ଦେଖାଯାଉଛି ।
अजित पवारांचा #IPS अधिकाऱ्याला थेट फोन आणि व्हिडिओ कॉलद्वारे "कारवाई थांबवा"चा आदेश. हा सत्तेचा दुरूपयोग आहे.DySP अंजली कृष्णा यांनी कायदा पाळला, पण उपमुख्यमंत्र्यांनी धमकावलं? मुरुमासाठी इतका हस्तक्षेप का? महाराष्ट्रात खरंच काय चाललंय? अशाच कामांसाठी राज्यातील नेत्यांना आपल्या… pic.twitter.com/bP4uoiStqK
— Vijay Kumbhar (@VijayKumbhar62) September 4, 2025
ମିଳିଥିବା ସୂଚନାନୁଯାୟୀ, ଏହି ମାମଲା ସୋଲାପୁର ଜିଲାର ମାଧା କୁର୍ଡୁ ଗାଁର । ଜଣେ ଆଇପିଏସ ଅଧିକାରୀ ଅବୈଧ ଖନନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆସିଥିବା ସମୟରେ ଉପମୁଖ୍ୟମନ୍ତ୍ରୀ ଅଜିତ ପାୱାର ମହିଳା ଅଧିକାରୀଙ୍କୁ ଫୋନ୍ କରି ତୁରନ୍ତ କାର୍ଯ୍ୟ ବନ୍ଦ କରିବାକୁ କହିଥିବା ନେଇ ଅଭିଯୋଗ ହୋଇଛି ।
ରିପୋର୍ଟ ଅନୁଯାୟୀ ଅଭିଯୋଗ ପାଇବା ପରେ ପୁଲିସ ଉପ-ସୁପରିଣ୍ଟେଣ୍ଡେଣ୍ଟ, ଆଇପିଏସ ଅଞ୍ଜଳି କୃଷ୍ଣା ସେହି ସ୍ଥାନରେ ପହଞ୍ଚି କାର୍ଯ୍ୟାନୁଷ୍ଠାନ ଗ୍ରହଣ କରିବା ସମୟରେ ସେଠାରେ ଉପସ୍ଥିତ ଥିବା କିଛି ଲୋକେ ଯୁକ୍ତିତର୍କ କରିବା ସହ ଜଣେ ବ୍ୟକ୍ତି ପୁଲିସକୁ ଧମକ ଦେବା ସହ ସିଧାସଳଖ ଉପ-ମୁଖ୍ୟମନ୍ତ୍ରୀଙ୍କୁ ଫୋନ୍ କରିଥିଲେ । ଏହାର ଭିଡିଓ ଭାଇରାଲ୍ ହେବା ପରେ ଏକ ପ୍ରକାର ରାଜନୈତିକ ଝଡ ସୃଷ୍ଟି ହୋଇଥିବା ଦେଖାଯାଇଛି ।
ଅଜିତ ପାୱାରଙ୍କ ଏନସିପି କହିଛି ଯେ ଉପମୁଖ୍ୟମନ୍ତ୍ରୀ ପୁଲିସ ଅଧିକାରୀଙ୍କୁ କାର୍ଯ୍ୟାନୁଷ୍ଠାନ ଗ୍ରହଣ କରିବାରୁ ଅଟକାଇ ନଥିଲେ।
୫୦ ବର୍ଷ ପରେ ଚନ୍ଦ୍ରଗ୍ରହଣରେ ଶନିଙ୍କ ଓଲଟା ଚଳନକୁ ଗୁରୁ ଉଦୟ; ଏହି ୩ ରାଶିଙ୍କ ଖୋଲିବ ବନ୍ଦ ଭାଗ୍ୟର ତାଲା
