ସମାଜ ଡିଜିଟାଲ ଡେସ୍କ: ନୂଆପଡ଼ା ଜିଲାରେ ଜଣେ ମହିଳା କନଷ୍ଟେବଳଙ୍କ ସନ୍ଦେହଜନକ ମୃତ୍ୟୁ ଘଟଣା ଚାଞ୍ଚଲ୍ୟ ସୃଷ୍ଟି କରିଛି। ମହିଳାଙ୍କ ମୃତଦେହ ଏକ ଗଛରୁ ଝୁଲନ୍ତା ଅବସ୍ଥାରେ ପୁଲିସ ଜବତ କରିଛି। ଏହା ହତ୍ୟା କିମ୍ବା ଆତ୍ମହତ୍ୟା ତାହା ସ୍ପଷ୍ଟ ହୋଇନାହିଁ। କିନ୍ତୁ ବାପଘର ଲୋକେ ଶାଶୁଘର ଲୋକଙ୍କ ବିରୋଧରେ ହତ୍ୟା ଅଭିଯୋଗ ଆଣିଛନ୍ତି। ଝିଅକୁ ଶାଶୁଘର ଲୋଲୋକେ ନିର୍ଯାତନା ଦେଉଥିବା ନେଇ ସେମାନେ ଅଭିଯୋଗ କରିଛନ୍ତି।
ମୃତା ମହିଳାଙ୍କ ନାମ ହେଉଛି ରୁକ୍ମିଣୀ ନାଗ। ନୂଆପଡ଼ା ରେଳଫାଟକ ନିକଟ ଏକ ଗଛରୁ ତାଙ୍କ ମୃତଦେହ ଉଦ୍ଧାର ହୋଇଛି। ମୃତ୍ୟୁ ପୂର୍ବରୁ ସେ ଏକ ଭିଡିଓ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି, ଯେଉଁଥିରେ ତାଙ୍କୁ ତାଙ୍କ ସ୍ଵାମୀ ଏବଂ ଶାଶୁ କିଭଳି ନିର୍ଯାତନା ଦେଉଥିଲେ ସେ ନେଇ ଅଭିଯୋଗ କରିଛନ୍ତି।
ଭିଡିଓରେ ରୁକ୍ମିଣୀ କହିଛନ୍ତି ଯେ, ଶାଶୁଘର ଲୋକେ ସବୁବେଳେ ମୋତେ ନିର୍ଯାତନା ଦେଲେ। ମୋ ସ୍ଵାମୀ ସବୁଦିନ ଝଗଡ଼ା କଲେ। ଡ୍ୟୁଟିରୁ ଆସିବା ପରେ ରାତିରେ ବହୁତ କଥା କୁହନ୍ତି। ପିଲା ଥିବାରୁ ମୁଁ ଚୁପ ରୁହେ। ମୋ ଶାଶୁ କହୁଛନ୍ତି, ତୁ ଗରୁ ପଳେଇ ଯା’। ମୋ ପୁଅକୁ ଛାଡ଼ପତ୍ର ଦେଇଦେ। ମୁଁ ଅଲଗା ଝିଅ ସହ ତା’ର ବିବାହ କରାଇବି। ରୁକ୍ମିଣୀ ଆହୁରି କହିଛନ୍ତି, ବିବାହ ପରେ ହସଖୁସିରେ ଜୀବନ କଟୁଥିଲା। କିନ୍ତୁ ଶାଶୁଘର ଲୋକେ ଆସିବା ପରେ ବହୁତ ନିର୍ଯାତନା ଦେଲେ। ନିଜ ମନକୁ ବହୁତ ବୁଝାଇଲି ବଞ୍ଚିବା ପାଇଁ।
