ସାକ୍ଷୀଗୋପାଳ: ସମାଜର ପ୍ରକାଶକ ଓ ମୁଦ୍ରାକର ରାଜେନ୍ଦ୍ର କୁମାର ଜେନା ଐତିହାସିକ ବକୁଳ ବନ ପରିସରରେ ଉତ୍କଳମଣି ଗୋପବନ୍ଧୁ ଦାସ, ପଣ୍ଡିତ ନୀଳକଣ୍ଠ ଦାସ, ଆଚାର୍ଯ୍ୟ ହରିହର ଦାସ, ପଣ୍ଡିତ କୃପାସିନ୍ଧୁ ମିଶ୍ର ଓ ପଣ୍ଡିତ ଗୋଦାବରୀଶ ମିଶ୍ରଙ୍କ ସମାଧି ପୀଠରେ ଶ୍ରଦ୍ଧା ସୁମନ ଅର୍ପଣ କରିଥିଲେ। ସତ୍ୟବାଦୀ ଯୁଗର ପଞ୍ଚସଖାଙ୍କ ଏହି ସମାଧି ପୀଠର ରକ୍ଷାଣାବେକ୍ଷଣ ଓଡ଼ିଆ ବିଶ୍ୱବିଦ୍ୟାଳୟ କରିବା ନିମନ୍ତେ ମତ ଦେଇଥିଲେ।
ଏହି ଅବସରରେ ସମାଧି ପୀଠ ନିକଟରେ ସମାଜର ପୂର୍ବତନ ସମ୍ପାଦକ ପଦ୍ମ ବିଭୂଷଣ ସ୍ବର୍ଗତ ରାଧାନାଥ ରଥଙ୍କ ସମାଧି ପୀଠରେ ଶ୍ରଦ୍ଧା ସୁମନ ଅର୍ପଣ କରିଥିଲେ। ସ୍ବର୍ଗତ ରଥଙ୍କ ସମାଧି ପୀଠ ସମାଜ ତରଫରୁ ପୁନଃରୁଦ୍ଧାର କରାଯିବ ବୋଲି ସୂଚନା ପ୍ରଦାନ କରିଥିଲେ।
