ପାଟଣା: ପାଟଣା ବ୍ଲକ ଅନ୍ତର୍ଗତ ଅଁଳାଡିହା ଗ୍ରାମରେ ଓଡ଼ିଶା ରାଜ୍ୟସ୍ତରୀୟ ଦେଶ କରମ୍ ପରବ ପାଇଁ କୁଡୁମି ସମ୍ପ୍ରଦାୟ କମିଟିର ଏକ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ଓଡିଶାର ବିଭିନ୍ନ ପ୍ରାନ୍ତରୁ ତଥା ଏ ଅଞ୍ଚଳର ବହୁ ସଂଖ୍ୟାର କୁଡ଼ୁମି ସମ୍ପ୍ରଦାୟର ମହିଳା ଓ ପୁରୁଷ ଯୋଗ ଦେଇଥିଲେ। ଚଳିତ ବର୍ଷ ରାଜ୍ୟସ୍ତରୀୟ ଦେଶ କରମ୍ ପରବ ଓଡ଼ିଶାର କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ କେନ୍ଦେଇପଶି ଗ୍ରାମପଞ୍ଚାୟତର ଅଁଳାଡିହା ଗ୍ରାମରେ ବିଧିବଦ୍ଧ ଭାବରେ ସେପ୍ଟେମ୍ବର ୩ ତାରିଖ ଠାରୁ ସାତଦିନ ଧରି ଅନୁଷ୍ଠିତ ହେବାପାଇଁ ରାଜ୍ୟ ସଭାପତି ନବୀନ କିଶୋର ମହାନ୍ତ ସମସ୍ତଙ୍କ ଉପସ୍ଥିତିରେ ଏହି ସଭାରେ ଘୋଷଣା କରିଛନ୍ତି।
ଓଡ଼ିଶା ରାଜ୍ୟସ୍ତରୀୟ କୁଡ଼ୁମି଼ କମିଟିର ମୁଖ୍ୟ ସଂରକ୍ଷକ ଲକ୍ଷ୍ମୀଧର ମହାନ୍ତ ଫୋନ ମାଧ୍ୟମରେ କରମ ପର ର ବିଧି ବିଷୟରେ ଉଦବୋଧନ ଦେଇ ସଭାକୁ ଉତ୍ସାହ ପ୍ରଦାନ କରିଥିଲେ। କରମ ବିଧି ଅନୁସାରେ କରମର ସାତଦିନ ପୂର୍ବରୁ ଅଗଷ୍ଟ ମାସ ୨୮ ତାରିଖ ପବିତ୍ର କରମ ଘାଟ ଧାନବେଣୀରୁ ବାଲି ଉଠାହେବ। ଏବର୍ଷ ଏହି ଦେଶ କରମକୁ ପରିଚାଳନା କରିବା ପାଇଁ ସ୍ଥାନୀୟ କୁଦୁମି ଭାଇ ଭଉଣୀ ମାନଙ୍କୁ ନେଇ ଏକ ପରିଚାଳନା କମିଟି ଗଠନ କରାଯାଉଛି। ସଭାପତି ଭାବେ ଅଁଳାଡିହାର କୁନ୍ତଳା ମହାନ୍ତ, ଉପସଭାପତି ଭାବେ ଖୁଣ୍ଟାପଡ଼ାର ଡାଳିମ୍ବ ମହାନ୍ତ, ସମ୍ପାଦକ ଭାବେ ଅଁଳାଡିହାର ଦୁର୍ଗାଚରଣ ମହାନ୍ତ ଓ ସହ ସଂପାଦକ ଭାବେ ଖୁଣ୍ଟାପଡ଼ାର କ୍ଷେତ୍ରମୋହନ ମହାନ୍ତ ମନୋନୀତ ହୋଇଥିବା ସୂଚନା ମିଳିଛି।
