ରଣପୁରଗଡ : ବିଜ୍ଞାପିତ ଅଞ୍ଚଳ ଘୋଷଣା ହେବା ପରେ ମଧ୍ୟ ନୟାଗଡ଼ ଜିଲ୍ଲା ରଣପୁର ବିଜ୍ଞାପିତ ଅଞ୍ଚଳରେ ଅଞ୍ଚଳବାସୀ ପାଣି କାଦୁଅ ରାସ୍ତା ସାଙ୍ଗକୁ ମଶା ମାଛି ଦ୍ୱାରା କଲବଲ ହେଉଥିବା ଅଭିଯୋଗ ହେଉଛି। ବିଜ୍ଞାପିତ ଅଞ୍ଚଳ ଘୋଷଣାକୁ ଦଶବର୍ଷ ୧୦ ବର୍ଷ ପୂରିବା ପରେ ମଧ୍ୟ ଦୁଇ ନମ୍ୱର ୱାର୍ଡ ଅନ୍ତର୍ଗତ ଚମ୍ପତିପୁର ରାସ୍ତା ପାଣି କାଦୁଅରେ ପଚପଚ। ସ୍କୁଲ ଛାତ୍ରଛାତ୍ରୀ, ବୣଦ୍ଧ ଓ ବୣଦ୍ଧାଙ୍କ ଅବସ୍ଥା କହିଲେ ନସରେ। ଡ୍ରେନରେ ମଶା ତେଲ ଓ ଧୂଆଁ ନଦେବା ଯେ।ଗୁ ମଶା ମାଛିଙ୍କ ପ୍ରାଦୁର୍ଭାବ ବଢିବାରେ ଲାଗିଛି। ସାଧାରଣ ଲୋକେ ଜ୍ୱର, ଝାଡାବାନ୍ତିରେ ଆକ୍ରାନ୍ତ ହେଉଛନ୍ତି। ଅଧ୍ୟକ୍ଷା ରଙ୍ଗୀନ ମହାନ୍ତି କୁହନ୍ତି ଦୁଇ ନମ୍ବର ୱାର୍ଡ ଚମ୍ପତିପୁର ନିକଟ ସାହି ରାସ୍ତା ପାଇଁ ମାପଚୁପ ସରିଛି। ଯନ୍ତ୍ରୀଙ୍କ ବଦଳି ଯୋଗୁଁ ଟେଣ୍ଡର ହୋଇପାରିନାହି। ଖୁବଶୀଘ୍ର ଟେଣ୍ଡର ହେବ। କାର୍ଯ୍ୟନିର୍ବାହୀ ଅଧିକାରୀ ସାମନ୍ତ ବିଶ୍ୱମ୍ବର ମହାପାତ୍ର କୁହନ୍ତି ମଶାତେଲ ଅଛି କିନ୍ତୁ ଧୂଆଁ ମେସିନ ନାହିଁ। ସମସ୍ୟା ନେଇ ଜନସାଧାରଣ ଚିନ୍ତାରେ।
Popular Categories
Previous article
Next article