ରେଙ୍ଗାଲିକ୍ୟାମ୍ପ: ଅତାବିରା ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ଲାଦରପାଲି ସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ମାତୃପୁରୀ ତରଫରୁ ବନମହୋତ୍ସବ ରେଙ୍ଗାଲିପାଲି ଖେଳ ପଡିଆ ନିକଟରେ ଅନୁଷ୍ଠିତ ହୋଇଯାଇଛି। ‘ମାଙ୍କ ନାମରେ ଗଛଟିଏ ୨.୦’ କାର୍ଯ୍ୟକ୍ରମରେ ଅତାବିରା ବନବିଭାଗ ଦାୟିତ୍ୱରେ ଥିବା ବନପାଳ ଉସେଶ୍ୱରି ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦେଇ ସାମାଜିକ ବନୀକରଣ ଉପରେ ଆଲୋଚନା କରିଥିଲେ। ସମ୍ମାନିତ ଅତିଥି ରୂପେ ବନପାଳ ଶ୍ରୀ ଲୋକେଶ୍ୱର୍ ଭୋଇ ,ଗଛର ଉପାଦେୟତା ସମ୍ପର୍କରେ ଛାତ୍ର ଛାତ୍ରୀମାନଙ୍କୁ ଅନେକ ତଥ୍ୟ ପ୍ରଦାନ କରିଥିଲେ।
ଅଧ୍ୟକ୍ଷ ବବୃବାହାନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ କୃଷି ବିଭାଗୀୟ ମୁଖ୍ୟ ହେମାନନ୍ଦ ଭୋଇ, ସଭାପତି ଶେଷଦେବ ନାଏକ, ଉପ ସଭାପତି ଅରୁଣ କୁମାର ହୋତା, ସମ୍ପାଦକ କୃଷ୍ଣଚନ୍ଦ୍ର ପ୍ରଧାନ ବୃକ୍ଷର ଆବଶ୍ୟକତା ଉପରେ ଆଲୋଚନା କରିଥିଲେ। ଗିରିଜା ସାହୁଙ୍କ ପରିଚାଳନାରେ ଅନୁଷ୍ଠିତ କାର୍ଯ୍ୟକ୍ରମରେ ବିଜ୍ଞାନ ବିଭାଗୀୟ ମୁଖ୍ୟ ରତନ ଦୀପ ‘ଗଛ ଲଗାଇବା କାହିଁକି’ ଶୀର୍ଷକରେ ଆଲୋଚନା କରିଥିଲେ। ଶେଷରେ ଉପାଧ୍ୟକ୍ଷ ଯତୀନ୍ଦ୍ର ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ।
