ଭୁବନେଶ୍ବର: ମୁଖ୍ୟମନ୍ତ୍ରୀ ବାୟୁ ସ୍ବାସ୍ଥ୍ୟସେବା ଅଧୀନରେ ଆସନ୍ତାକାଲି (ସୋମବାର)ଠାରୁ ୪ ଦିନ ବ୍ୟାପୀ ନବରଙ୍ଗପୁର ଜିଲାରେ ସ୍ବାସ୍ଥ୍ୟ ଶିବିର ଆୟୋଜନ କରାଯାଉଛି। ପ୍ରାୟ ଦେଢ଼ବର୍ଷର ଅନ୍ତର ପରେ ନବରଙ୍ଗପୁର ଜିଲାରେ ଏହା ଉପଲବ୍ଧ ହେବାକୁ ଯାଉଛି। ପର୍ଯ୍ୟାୟକ୍ରମେ ନୂଆପଡ଼ା ଏବଂ ମାଲକାନଗିରି ଜିଲାରେ ଏହି କାର୍ଯ୍ୟକ୍ରମ କରାଯିବ। ୭ରୁ ୧୦ ତାରିଖ ୪ ଦିନ ବ୍ୟାପୀ ନବରଙ୍ଗପୁରରେ ଏହି ଶିବିର ହେବ। ଜିଲା ସ୍ୱାସ୍ଥ୍ୟ ଦଳ ଦ୍ୱାରା ସମଗ୍ର ଜିଲାରୁ ପ୍ରାୟ ୯୩୮ ରୋଗୀଙ୍କୁ ସ୍କ୍ରିନିଂ କରାଯାଇଛି। ବିଶେଷଜ୍ଞମାନେ ସେମାନଙ୍କୁ ଅଧିକ ପରୀକ୍ଷା କରିବେ।
ପ୍ରଥମ ଦିନରେ ବିଭିନ୍ନ ସୁପର ସ୍ପେଶାଲିଟିର ୫ ବରିଷ୍ଠ ରେସିଡେଣ୍ଟ ଶିବିର ପାଇଁ ଯିବେ। ସେମାନେ ହେଲେ ଏସ୍ସିବିର ଡା. ବିଶ୍ବଜିତ ସାହୁ, ଡା. ସୁମିତ କୁମାର ସାହୁ, ଡା. ଲିପିକା ପାଣିଗ୍ରାହୀ, ଡା. ରଶ୍ମିରଞ୍ଜନ ପାତ୍ର ଏବଂ ଡା. ରାକେଶ କୁମାର ମହାନ୍ତି। ଦ୍ବିତୀୟ ଦିନରେ ୬ ବିଶେଷଜ୍ଞ ଗସ୍ତ କରିବେ। ସେମାନେ ହେଲେ ଏସ୍ସିବିର ଡା. ସବ୍ୟସାଚୀ ପଣ୍ଡା, ଡା. ଯଶୋବନ୍ତ ବେହେରା, ଡା. ଅରୁଣ ଆଚାର୍ଯ୍ୟ, ଡା. ସମୀର କୁମାର ହୋତା, ଡା. ନିହାର ରଞ୍ଜନ ବିଶ୍ବାଳ ଏବଂ ଡା. ଦେବର୍ଚ୍ଚନା ଜେନା।
ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ, ବିନା ମୂଲ୍ୟରେ ଚିକିତ୍ସା ସେବା ପ୍ରଦାନ କରି ଲୋକଙ୍କୁ ଆଶ୍ବସ୍ତି ଦେବା ପାଇଁ ଜିଲା ମୁଖ୍ୟ ଚିକିତ୍ସାଳୟରେ ଉପଲବ୍ଧ ସୁବିଧାକୁ ଆହୁରି ଉନ୍ନତ କରାଯାଉଛି। ମେଡିକାଲ କଲେଜରୁ ବିଶେଷଜ୍ଞମାନଙ୍କୁ ନିୟୋଜିତ କରି ଉନ୍ନତମାନର ଚିକିତ୍ସା ଯୋଗାଇବା ଲକ୍ଷ୍ୟରେ ମୁଖ୍ୟମନ୍ତ୍ରୀ ବାୟୁ ସ୍ବାସ୍ଥ୍ୟ ସେବା ଅଧୀନରେ ଚିକିତ୍ସା ଶିବିର ଆୟୋଜନ ହେଉଛି। ଏସସିବି ମେଡିକାଲ୍ କଲେଜର ବିଶେଷଜ୍ଞମାନେ ଅସ୍ତ୍ରୋପଚାର, ପରାମର୍ଶ (କାର୍ଡିଓଲୋଜି, ନ୍ୟୁରୋଲୋଜି ଇତ୍ୟାଦି) ଏବଂ ଉନ୍ନତ ନିଦାନ ସହିତ ସୁପର ସ୍ପେଶାଲିଟି ସେବା ପ୍ରଦାନ କରିବେ। ସ୍ବାସ୍ଥ୍ୟସେବାକୁ ଆହୁରି ବ୍ୟାପକ କରିବା ପାଇଁ ସରକାରଙ୍କ ପକ୍ଷରୁ ସମସ୍ତ ପଦକ୍ଷେପ ସୁନିଶ୍ଚିତ ହେଉଛି। ଏହିକ୍ରମରେ ପରବର୍ତ୍ତୀ ସମୟରେ ନୂଆପଡ଼ା ଓ ମାଲକାନଗିରି ଜିଲାରେ ମଧ୍ୟ ଏଭଳି ଶିବିର ଆୟୋଜନ କରିବାର ଲକ୍ଷ୍ୟ ରଖିଛନ୍ତି ସରକାର।
ମୁଖ୍ୟମନ୍ତ୍ରୀ ବାୟୁ ସ୍ବାସ୍ଥ୍ୟସେବା; ଆଜିଠୁ ୪ଦିନ ବ୍ୟାପୀ ନବରଙ୍ଗପୁରରେ ସ୍ବାସ୍ଥ୍ୟ ଶିବିର
Popular Categories
Previous article
Next article