ନୂଆଦିଲ୍ଲୀ : ସୋସିଆଲ ମିଡିଆରେ ଭାଇରାଲ୍ ହେଉଥିବା ଜୀବଜନ୍ତୁଙ୍କ ଅନେକ ଭିଡିଓ ଭୟଭୀତ କରିଥାଏ । ବାଘ ନାଁ ଶୁଣିଲେ ଭୟ ଲାଗିବା ସାଧାରଣ କଥା । କେବେ ବାଘ-ମଣିଷର ଲଢେଇ ଦେଖିଛନ୍ତି କି, ଆଜ୍ଞା ହଁ ଲକ୍ଷ୍ମୀପୁର ଖେରିରୁ ଏଭଳି ଏକ ଘଟଣା ସାମ୍ନାକୁ ଆସିଛି, ଯାହା ଖୁବ୍ ଭୟଭୀତ କରୁଛି । ଏଠାରେ ଧୌରାହରା ବନ ରେଞ୍ଜ ଅନ୍ତର୍ଗତ ବବୁରୀରେ ଏକ କଲରାପତରିଆ ବାଘ ହଠାତ୍ ଇଟାଭାଟିରେ କାମ କରୁଥିବା ଜଣେ ଶ୍ରମିକଙ୍କ ଆକ୍ରମଣ କରିଥିଲା । ବାଘଟି ହଠାତ୍ ଆକ୍ରମଣ କରିବା ମାତ୍ରେ ଶ୍ରମିକ ମଧ୍ୟ ନିଜ ଜୀବନ ରକ୍ଷା କରିବାକୁ ବାଘ ସହ ଲଢେଇ କରିବା ସହ ସଂଘର୍ଷ କରୁଛନ୍ତି ।
In Lakhimpur Kheri, UP, a dramatic encounter unfolded when a leopard attacked brick kiln workers. pic.twitter.com/12hZOSFdWt
— Nature is Intresting ☘️ (@natureisintrest) June 24, 2025
ଚିତ୍କାର ଶୁଣି ଲୋକେ ଏକାଠି ହେବା ସହ ହଇଚଇ ସୃଷ୍ଟି ହୋଇଥିଲା । ଏବେ ଏହି ଘଟଣାର ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓରେ ଦେଖିପାରିବେ, ବାଘଟି ଆକ୍ରମଣ କରିବା ପରେ ଶ୍ରମିକ ଜଣକ ଲଢେଇ କରୁଛନ୍ତି । ଲୋକେ ସେଠାରେ ଏକାଠି ହୋଇ ବାଘକୁ ଇଟା ପଥର ମଧ୍ୟ ମାରୁଛନ୍ତି । ସେଠାରୁ ବିଦା କରିବା ପାଇଁ ଚେଷ୍ଟା କରୁଛନ୍ତି । ଅନେକ ସମୟ ପରେ ବାଘ ଶ୍ରମିକକୁ ଛାଡି ସେଠାରୁ ପଳାଇଥିଲା । ମାତ୍ର ବାଘ ଆକ୍ରମଣରେ ଶ୍ରମିକ ଜଣକ ଗୁରୁତର ଆହତ ହୋଇଛନ୍ତି । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି । ନିକଟରେ ଉତ୍ତର ପ୍ରଦେଶର ସିଦ୍ଧାର୍ଥନଗର ଜିଲ୍ଲାର ମୋହନା ଥାନା ଅଞ୍ଚଳର ଏକ ଗାଁରେ ଏକ ଚିତାବାଘ ଆକ୍ରମଣ କରି ଚାରି ଜଣଙ୍କୁ ଆହତ କରିଥିଲା।
