ଅପରେସନ ସିନ୍ଦୂର ପରବର୍ତ୍ତୀ ପଦକ୍ଷେପ ଏବଂ ଆତଙ୍କବାଦ ପ୍ରତି ଭାରତର ଶୂନ୍ୟ ସହନଶୀଳତା ନୀତି ନେଇ ବିଭିନ୍ନ ଦେଶକୁ ଯାଇଥିବା ସର୍ବାଦଳୀୟ ସଂସଦୀୟ ପ୍ରତିନିଧି ଦଳ ସ୍ଵଦେଶ ପ୍ରତ୍ୟାବର୍ତ୍ତନ କରୁଛନ୍ତି। ବିଜେପି ସାଂସଦ ବୈଜୟନ୍ତ ପଣ୍ଡାଙ୍କ ନେତୃତ୍ବରେ ଗଠିତ ଦଳ ମଙ୍ଗଳବାର ସକାଳେ ଭାରତ ଫେରିଛନ୍ତି। ଗଣମାଧ୍ୟମକୁ ସୂଚନା ଦେଇ ସାଂସଦ ଶ୍ରୀ ପଣ୍ଡା କହିଛନ୍ତି ଯେ ପ୍ରତିନିଧି ଦଳ ବିଭିନ୍ନ ଦେଶ ଗସ୍ତ କରି ଭାରତର ଆଭିମୁଖ୍ୟ ସମ୍ପର୍କରେ ବିଦେଶୀ ନେତୃତ୍ବଙ୍କୁ ସଫଳ ଭାବେ ଅବଗତ କରାଇଛନ୍ତି।
ଆଜି ଶ୍ରୀ ପଣ୍ଡା ବୈଦେଶିକ ବ୍ୟାପାର ମନ୍ତ୍ରୀ ଡଃ ଏସ ଜୟଶଙ୍କରଙ୍କୁ ସାକ୍ଷାତ କରି ବିଭିନ୍ନ ଦେଶର ନେତୃବୃନ୍ଦଙ୍କୁ ଭାରତର ଆଭିମୁଖ୍ୟ ସମ୍ପର୍କରେ ହୋଇଥିବା ଆଲୋଚନା ବିଷୟରେ ବିସ୍ତୃତ ତଥ୍ୟ ଉପସ୍ଥାପନ କରିଛନ୍ତି। ସାଂସଦ ଶ୍ରୀ ପଣ୍ଡାଙ୍କ ନେତୃତ୍ୱାଧୀନ ଦଳ ଆଲଜେରିଆ, ସାଉଦି ଆରବ, କୁଏତ ଏବଂ ବାହାରିନ ଗସ୍ତ କରିଥିଲେ।
