ସମାଜ ଡିଜିଟାଲ ଡେସ୍କ: ଆଇପିଏଲ ୨୦୨୫ ଫାଇନାଲ ମ୍ୟାଚ ପଞ୍ଜାବ କିଙ୍ଗସ୍ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ । ଏହି ରୋମାଞ୍ଚକର ମ୍ୟାଚ ଜିଓ ହଟ୍ଷ୍ଟାରରେ ଦେଖିବାକୁ ଚାହୁଁଛନ୍ତି କିନ୍ତୁ ସବସ୍କ୍ରିପସନ୍ ନାହିଁ, ତେବେ ଚିନ୍ତା କରନ୍ତୁ ନାହିଁ । କାରଣ ଏୟାରଟେଲ, ଜିଓର କିଛି ଏପରି ପ୍ଲାନ ରହିଛି ଯାହା ବିଷୟରେ ଜାଣିଲେ ଆପଣ ମାଗଣାରେ ଜିଓ ହଟ୍ଷ୍ଟାର ଦେଖିପାରିବେ । କେବଳ ରିଚାର୍ଜ ପାଇଁ ଦେୟ ଦେବାକୁ ପଡିବ ଏବଂ ଆପଣ ମାଗଣାରେ ଜିଓ ହଟଷ୍ଟାର ପାଇପାରିବେ ।
ଜିଓ ୧୦୦ ରିଚାର୍ଜ: ଏହା ରିଲାଏନ୍ସ ଜିଓର ଏକ ଡାଟା ପ୍ୟାକ୍ । ଯାହା ପାଇଁ ଆପଣଙ୍କ ନମ୍ବରରେ ୧୦୦ ଟଙ୍କା ରିଚାର୍ଜ କରିଲେ ୯୦ ଦିନ ବୈଧତା ଏବଂ ୫ ଜିବି ଡାଟା ସହିତ ମାଗଣା ଜିଓ ହଟଷ୍ଟାର ଦେଖିବାର ସୁବିଧା ପାଇପାରିବେ ।
ଜିଓର ୩୪୯, ୮୫୯, ୮୯୯ ଏବଂ ୯୯୯ ରିଚାର୍ଜ ପ୍ଲାନ ଦ୍ୱାରା ଆପଣ ଜିଓ ହଟଷ୍ଟାର ମଧ୍ୟ ମାଗଣାରେ ଦେଖିପାରିବେ । ସେହିପରି ଏୟାରଟେଲର ୫୪୯ଟଙ୍କା, ୯୭୯ ଟଙ୍କା, ୪୫୧ଟଙ୍କା, ୨୭୯ ଟଙ୍କା, ୧୯୫, ୧୦୦, ୩୯୯୯, ୧୭୨୯, ୧୦୨୯, ୫୯୮ ଟଙ୍କାର ପ୍ରିପେଡ୍ ପ୍ଲାନରେ ମାଗଣା ଜିଓ ହଟଷ୍ଟାର ସୁବିଧା ଦିଆଯାଉଛି ।
