ଚଣ୍ଡୀଗଡ : ରୟାଲ ଚାଲେଞ୍ଜର୍ସ ବେଙ୍ଗାଲୁରୁ ୯ ବର୍ଷ ପରେ ଆଇପିଏଲ୍ ଫାଇନାଲରେ ପହଞ୍ଚିଛି । ଦଳ ଗୁରୁବାର କ୍ବାଲିଫାୟର-୧ରେ ପଞ୍ଜାବ କିଙ୍ଗ୍ସକୁ ୮ ଓ୍ବିକେଟରେ ହରାଇଛି । ଓପନର ଫିଲ୍ ସଲ୍ଟ ୫୦ ରନ୍ କରିଛନ୍ତି । ଜୋଶ୍ ହେଜଲବୁଡ୍ ଓ ସୁୟଶ ଶର୍ମା ୩-୩ ଓ୍ବିକେଟ ନେଇଛନ୍ତି । ନ୍ୟୁ ଚଣ୍ଡୀଗଡର ମହାରାଜା ୟାଦବେନ୍ଦ୍ର ସିଂହ ଷ୍ଟାଡିୟମରେ ଗୁରୁବାର ବେଙ୍ଗାଲୁରୁ ବୋଲିଂ ଚୟନ କରିଥିଲା । ପଞ୍ଜାବ କିଙ୍ଗ୍ସ ୧୪.୧ ଓଭରରେ ୧୦୧ ରନ୍ ସଂଗ୍ରହ କରିଥିଲା । ମାର୍କସ ଷ୍ଟୋୟନିସ୍ ୨୬ ରନ୍ କରିଥିଲେ । ରଜତ ପାଟିଦାର ଛକା ଲଗାଇ ଦଳକୁ ଫାଇନାଲରେ ପହଞ୍ଚାଇଲେ ।ବେଙ୍ଗାଲୁରୁ ଚତୁର୍ଥ ଥର ଆଇପିଏଲ ଫାଇନାଲରେ ସ୍ଥାନ ହାସଲ କଲା । ଦଳ ୨୦୧୬ରେ ଶେଷ ଥର ଖେଳି ରନର ଅପ୍ ରହିଥିଲା । ଆରସିବି ଏବେ ୩ ଜୁନରେ ଅହମଦାବାଦରେ ଫାଇନାଲ ଖେଳିବ । ପଞ୍ଜାବ କିଙ୍ଗ୍ସ ୧ ଜୁନରେ କ୍ବାଲିଫାୟର-୨ ରେ ଏଲିମିନେଟରର ବିଜେତା ସହ ମୁହାଁମୁହିଁ ହେବ । ଏଲିମିନେଟର ଶୁକ୍ରବାର ମୁମ୍ବଇ ଓ ଗୁଜରାତ ମଧ୍ୟରେ ହେବ ।
ଦେଖନ୍ତୁ ଭିଡିଓ ; ‘ରଖେ ହରି ତ ମାରେ କିଏ’, ୨୨ ଚକିଆ ଟ୍ରକ୍ ଚକା ତଳକୁ ସ୍କୁଟି ସହ ପଡିଗଲେ ବ୍ୟକ୍ତି, ଆଉ ତା’ପରେ..
