ଶୋଇବା ଶୈଳୀ ସ୍ବାସ୍ଥ୍ୟ ଉପରେ ଅନେକ ପ୍ରଭାବ ପକାଇଥାଏ। ଉତ୍ତମ ସ୍ବାସ୍ଥ୍ୟ ପାଇଁ ବ୍ୟକ୍ତିଙ୍କୁ ପର୍ଯ୍ୟାପ୍ତ ପରିମାଣରେ ଶୋଇବା ଉଚିତ। ପ୍ରତିଦିନ ୭-୮ ଘଣ୍ଟା ଶୋଇବା ଉଚିତ। ଶୋଇବା ବେଳେ ଶରୀର ନିଜର ମାଂସପେଶୀୟକୁ ବିକଶିତ କରିଥାଏ। ଠିକ ଭାବେ ନ ଶୋଇବା ଦ୍ବାରା ଶରୀରରେ ଦରଜ ଓ ଥକାପଣ ଅନୁଭବ ହୋଇଥାଏ।
ବେଳେବେଳେ ଦେଖାଯାଇଥାଏ ଯେ, ଅନେକ ଲୋକ ଶୋଇବା ସମୟରେ ତାଙ୍କ ପାଟି ଖୋଲା ରହିଥାଏ। ପାଟି ଖୋଲା କରି ଶୋଇବା ଦ୍ବାରା ଘୁଙ୍ଗୁଡି ସମସ୍ୟା ମଧ୍ୟ ଦେଖାଯାଇଥାଏ। ଏହା ଆପଣଙ୍କ ସ୍ବାସ୍ଥ୍ୟ ଉପରେ ଅନେକ କୁପ୍ରଭାବ ପକାଇଥାଏ। ଆସନ୍ତୁ ଜାଣିବା ପାଟି ଖୋଲା କରି ଶୋଇବା ଦ୍ବାରା ସ୍ବାସ୍ଥ୍ୟ ଉପରେ କ’ଣ ଖରାପ ପ୍ରଭାବ ପଡିଥାଏ ..
ଦାନ୍ତ ପାଇଁ ହାନିକାରକ :
ପାଟି ଖୋଲା କରି ଶୋଇବା ଦାନ୍ତ ପାଇଁ ହାନିକାରକ ଅଟେ। ପାଟି ଖୋଲା କରି ଶୋଇବା ଦ୍ବାରା ପାଟି ମଧ୍ୟକୁ ପବନ ଯାଇ ଲାଳକୁ ଶୁଖାଇ ଦେଇଥାଏ। କମ ଲାଳ ଶରୀର ପାଇଁ କ୍ଷତିକାରକ ହୋଇଥାଏ। ଏହାଦ୍ବାରା ପାଟି ସାହାର୍ଯ୍ୟରେ ଶରୀର ମଧ୍ୟକୁ ବ୍ୟାକ୍ଟେରିଆ ପ୍ରବେଶ କରିଥାଏ। ଏବଂ ଦାନ୍ତ ଉପରେ ଖରାପ ପ୍ରଭାବ ପଡି ତାହା କ୍ଷତିଗ୍ରସ୍ତ ହୋଇଥାଏ।
ମୁହଁ ଦୁର୍ଗନ୍ଧ :
ପାଟି ଦୁର୍ଗନ୍ଧ ହେବାକୁ ହେଲିଟୋସିସ୍ କୁହାଯାଏ। ଲାଳର ଅଭାବ ଦ୍ବାରା ପାଟିରୁ ଦୁର୍ଗନ୍ଧ ବାହାରିଥାଏ। ପାଟି ଖୋଲା କରି ଶୋଇବା ଦ୍ବାରା ପବନ ଠିକ ଭାବେ ଶରୀରକୁ ଯାଇପାରେ ନାହିଁ। ଯାହାର ପ୍ରଭାବରେ ପାଟି ମଧ୍ୟ ଠିକ ଭାବେ ସଫା ହୋଇପାରେ ନାହିଁ। ଏହାର ପରିଣାମ ସ୍ବରୂପ ପାଟି ଦୁର୍ଗନ୍ଧ ହୋଇଥାଏ।
ଥକା ଲାଗିବା :
ପାଟି ଖୋଲା କରି ଶୋଇବା ଦ୍ବାରା ଫୁସଫୁସ ନିକଟକୁ ସଠିକ ଭାବେ ଅମ୍ଳଜାନ ପହଞ୍ଚି ପାରେ ନାହିଁ। ଫୁସଫୁସରେ କମ ପରିମାଣରେ ଅମ୍ଳଜାନ ପହଞ୍ଚିବା ଦ୍ବାରା ଶରୀର କ୍ଲାନ୍ତ ଓ ଅସୁସ୍ଥ ଲାଗିଥାଏ। ପାଟି ଖୋଲା କରି ଶୋଇବା ଦ୍ବାରା ଦିନ ସାରା କ୍ଲାନ୍ତ ଅନୁଭବ ହୋଇଥାଏ।
ଶୁଷ୍କ ଓ ଓଠ ଫାଟେ :
ପାଟି ଖୋଲା କରି ଶୋଇବା ଦ୍ବାରା ଓଠ ଶୁଷ୍କ ହୋଇ ଫାଟିଯାଏ। ଏହାସହ ପାଟିରେ ଥିବା ତରଳ ପଦାର୍ଥ ଶୁଖିଯିବା ଦ୍ବାରା ଖାଦ୍ୟ ଖାଇବାକୁ ଅସୁବିଧା ହୋଇଥାଏ।
