ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ କମଳାପୁର ଗ୍ରାମରେ ଆର୍ମିରେ କାର୍ଯ୍ୟରତ ଯବାନଙ୍କ ମୃତ୍ୟୁ ହୋଇଥିବା ନେଇ ଥାନାରେ ଲିଖିତ ଅଭିଯୋଗ ହୋଇଛି। ମୃତ ଜଣକ ହେଲେ ସେହି ଗ୍ରାମର ଟି.ନବୀନ ବୟସ ୨୮ ବୋଲି ପୁଲିସ କହିଛି।
ସୂଚନା ପ୍ରକାରେ କମଳାପୁର ଗ୍ରାମର ମୃତ ନବୀନ ଦିଲ୍ଲୀରେ ସିଙ୍ଗନାଲ ମେକାନିକଲ ଭାବେ ଆର୍ମିରେ କାର୍ଯ୍ୟରତ ଥିଲେ। ସେ ଗତ ରବିବାର ଦିନ ଛୁଟିରେ ଘରକୁ ଆସିଥିଲେ। ସୋମବାର ଦିନ କୌଣସି କାରଣରୁ ମୁଣ୍ଡ ବୁଲାଇବା ସହ ପେଟ କାଟିବାରୁ ତାଙ୍କୁ ପ୍ରଥମେ ବ୍ରହ୍ମପୁର ଏକ ଘୋରାଇ ମେଡିକାଲକୁ ନେଇଥିଲେ। ପରେ ଗୋଲାବନ୍ଧ ଆର୍ମି ପରିସରରେ ଥିବା ମେଡିକାଲରେ ଭର୍ତ୍ତୀ କରିଥିଲେ। ଆଜି ଭୋର ସକାଳୁ ଡାକ୍ତର ମୃତ୍ୟୁ ଘୋଷଣା କରିଥିଲେ ।
ଏଡାପରେ ମୃତଦେହ ବ୍ୟବଛେଦ ନିମନ୍ତେ ବ୍ରହ୍ମପୁର ପଠାଯାଇଥିବା ତାଙ୍କ ମା ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପ୍ରକାରେ ପୁଲିସ କେସ ନମ୍ବର ୧୦/୨୫ ମାମଲା ରୁଜୁ କରି ମୃତଦେହ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ପରେ ମୃତ ନବୀନଙ୍କ ଶବକୁ ନିଜ ଗ୍ରାମ ସ୍ମଶାନରେ ଆର୍ମି ପକ୍ଷରୁ ରାଷ୍ଟ୍ରୀୟ ମର୍ଯ୍ୟାଦା ସହ ଶେଷକୃତ ସମ୍ପର୍ଣ୍ଣ ହୋଇଥିଲା।
