ବେଙ୍ଗାଲୁରୁ: ବିରଳ ପ୍ରଜାତିର ଏକ କୁକୁରକୁ ପ୍ରାୟ ୫ କୋଟି ଟଙ୍କାରେ କିଣିଥିବା ବେଙ୍ଗାଲୁରୁର ବାସିନ୍ଦା ଏସ୍ ସତୀଶ ଏବେ ଇଡି ପଞ୍ଝାରେ ପଡିଛନ୍ତି। ୱଲ୍ଫ-ଡଗ୍ ବା କାଡାବମ୍ ଓକାମି ନାମକ ବିରଳ ପ୍ରଜାତିର ଏକ କୁକୁରକୁ ସତୀଶ ୫ କୋଟି ଟଙ୍କାରେ କିଣିବା ପରେ ଏହାର ଫଟୋକୁ ସୋସିଆଲ ମିଡିଆରେ ପୋଷ୍ଟ କରିଥିଲେ। ଏହି ଫଟୋକୁ ଦେଖି ଲୋକଙ୍କ ମନରେ ଅନେକ ଉତ୍କଣ୍ଠା ସୃଷ୍ଟି ହୋଇଛି। ତେବେ ପ୍ରବର୍ତ୍ତନ ନିର୍ଦେଶାଳୟ (ଇଡି) ଏହାକୁ ନେଇ ସତୀଶଙ୍କ ବିରୋଧରେ ତଦନ୍ତ ଆରମ୍ଭ କରିଛି। ସତୀଶ କେଉଁ ଉପାୟରେ ଏତେ ପରିମାଣର ଅର୍ଥ ଦେଇ କୁକୁରଟିଏ କିଣିଛନ୍ତି? ତାଙ୍କର ରୋଜଗାର ଉତ୍ସ କ’ଣ ତା’ ଉପରେ ଇଡି ତଦନ୍ତ ଆରମ୍ଭ କରିଛି। କିଣିଥିବା କୁକୁର ସହିତ ତଦନ୍ତକାରୀ ଅଧିକାରୀଙ୍କ ନିକଟରେ ହାଜର ହେବା ଲାଗି ସତୀଶଙ୍କୁ କୁହାଯାଇଛି। ମାତ୍ର ସତୀଶ କହିଛନ୍ତି ଯେ କୁକୁରଟି ଏବେ ତାଙ୍କର ସାଙ୍ଗ ଘରେ ଅଛି। କୁକୁର କିଣିବା କିମ୍ବା ତାଙ୍କ ରୋଜଗାର ପଛରେ କୌଣସି ପ୍ରକାର ଅନିୟମିତତା ନାହିଁ ବୋଲି ସତୀଶ ଇଡିକୁ ସଫେଇ ଦେଇଛନ୍ତି। ସତୀଶ ଜଣେ ପଶୁପାଳକ। ସେ ବିରଳ ପ୍ରଜାତିର କୁକୁର ପାଳନ ସହିତ ଏହାର ବ୍ୟବସାୟ କରନ୍ତି। ବଣରେ ରହୁଥିବା ଗଧିଆ ଓ କ୍ୟାସିନ ସେଫର୍ଡ ପ୍ରଜାତିର କୁକୁର ମିଶ୍ରଣରେ ୱାଇଲ୍ଡଡଗ୍ ପ୍ରଜାତି କୁକୁର ଜନ୍ମ ହୋଇଥାଏ। ଏହି ପ୍ରଜାତିର କୁକୁର ପୃଥିବୀରେ କେବେ କେଉଁଠି ବିକ୍ରି ହୋଇନାହିଁ। ଏହାକୁ ଆମେରିକାରେ ସ୍ବତନ୍ତ୍ର ଭାବେ ପ୍ରଜନନ କରାଯାଇଛି। ଏହି କୁକୁରକୁ ସେ ୫ କୋଟି ଟଙ୍କାରେ କିଣିଥିବା ସତୀଶ କହିଛନ୍ତି।
Popular Categories
Previous article
Next article