ନୂଆଦିଲ୍ଲୀ: ଦେଶର ସୈନ୍ୟ ବାହିନୀରେ ଏକ ଲକ୍ଷରୁ ଅଧିକ ପଦ ଖାଲିପଡିଛି। ସୈନ୍ୟ ବାହିନୀରେ ଅନୁମୋଦିତ ମୋଟ କର୍ମଚାରୀ ସଂଖ୍ୟା ୧୨.୪୮ ଲକ୍ଷ ହୋଇଥିବାବେଳେ ଏବେ ୧୧.୦୫ ଲକ୍ଷ କର୍ମଚାରୀ କାମ କରୁଛନ୍ତି। ଖାଲିପଡିଥିବା କର୍ମଚାରୀଙ୍କ ମଧ୍ୟରୁ ୯୨, ୪୧୦ ହେଉଛନ୍ତି ଜୁନିୟର କମିସନଡ୍ ଅଫିସର୍ସ (ଜେସିଓ) ଓ ନନ୍ କମିସନଡ୍ ଅଫିସର୍ସ(ଏନସିଓ)। ଯାହା ମୋଟ ଅନୁମୋଦିତ ପଦର ୭.୭୨%। ସେହିପରି ଅଫିସର ପଦସଂଖ୍ୟା ୫୦,୫୩୮ ହୋଇଥିବାବେଳେ ୪୨,୦୯୫ ଜଣ କାର୍ଯ୍ୟରତ ଅଛନ୍ତି। ଚୀନ ସଂଲଗ୍ନ ବାସ୍ତବ ନିୟନ୍ତ୍ରଣ ରେଖାରୁ ସୈନ୍ୟ ପ୍ରତ୍ୟାହାର ସତ୍ତ୍ବେ ଏଠାରେ ୫୦,୦୦୦ରୁ ଅଧିକ ସୈନିକ ମୁତୟନ ଅଛନ୍ତି। ଜାମ୍ମୁ-କାଶ୍ମୀରରେ ଆତଙ୍କବାଦୀଙ୍କ ଅନୁପ୍ରବେଶକୁ ରୋକିବା ଲାଗି ଏଠାରେ ୧୫,୦୦୦ ସୈନ୍ୟ ମୁତୟନ ଅଛନ୍ତି। ସେନାରେ କର୍ମଚାରୀ ବା ସୈନିକ ପଦ ପୂରଣ କରିବା ଲାଗି ପ୍ରତିରକ୍ଷା ମନ୍ତ୍ରଣାଳୟ ଅଗ୍ନିବୀର ଯୋଜନା ଉପରେ ଗୁରୁତ୍ବ ଦେଉଛି। ଅଗ୍ନିବୀର ଯୋଜନାରେ ୧୦ବର୍ଷ ପାଇଁ ଠିକା ସୈନିକ ନିଯୁକ୍ତି କରାଯାଉଛି।
Popular Categories
Previous article
Next article