ପାଟଣା: କେନ୍ଦୁଝର ଜିଲା ସାହାରପଡା ବ୍ଲକ ଅନ୍ତର୍ଗତ କପୁଣ୍ଡି ଗ୍ରାମପଞ୍ଚାୟତର ପଇଦା ବନ୍ଧ ନାଳ ନିକଟରେ ବୁଧବାର ଏକ ଜନନୀ ଏକ୍ସପ୍ରେସ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବାବେଳେ ଚାଳକ ଅଳ୍ପକେ ବର୍ତ୍ତି ଯାଇଛନ୍ତି। ପାଟଣାରୁ ଧାନବେଣୀ ରାସ୍ତା ଦେଇ ଖଡ଼ିକାପଦା ଅଭିମୁଖେ ଜଣେ ଗର୍ଭବତୀଙ୍କୁ ଡାକ୍ତରଖାନା ନେବାକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିବା ଦେଖିବାକୁ ମିଳିଛି।
ସୂଚନାଯୋଗ୍ୟ, ଏହି ଜନନୀ ଏକ୍ସପ୍ରେସରେ କୌଣସି ରୋଗୀ ନ ଥିବାବେଳେ ଚାଳକଜଣକ ମଦ୍ୟପାନ କରି ଗାଡ଼ି ଚଳାଉଥିବାରୁ ଏହି ଦୁର୍ଘଟଣା ଘଟିଥିବା ଘଟଣାସ୍ଥଳରେ ଉପସ୍ଥିତ ଜନସାଧାରଣଙ୍କ ମଧ୍ୟରେ ଚର୍ଚ୍ଚା ହେଉଛି। ଡ୍ରାଇଭର ଜଣକ ମିରିଗିଖୋଜି ଗ୍ରାମପଞ୍ଚାୟତ କଟାବେଡ଼ା ଗ୍ରାମର ଦୟାନିଧି ମହାନ୍ତ ବୋଲି ଜଣା ପଡ଼ିଛି। ଘଟଣା ସ୍ଥଳରେ ପାଟଣା ପୁଲିସ ପହଞ୍ଚି ତଦନ୍ତ ଜାରି ରଖିଛି।
