ନୂଆଦିଲ୍ଲୀ : ମହାନଦୀ ଜଳବିବାଦ ଟ୍ରାଇବୁନାଲରେ ନାଲରେ ଓଡ଼ିଶା ଓ ଛିତିଶଗଡ଼ ମହାନଦୀ ଜଳବିବାଦ ମାମଲାର ମଧ୍ୟବର୍ତ୍ତୀକାଳୀନ ଆବେଦର ଶନିବାର ଶୁଣାଣି ହୋଇଛି । ଓଡ଼ିଶା ଅଣମୌସୁମୀରେ ୧.୭୪ ନିୟୁତ କୋଟି ଘନଫୁଟ ଜଳ ଦାବି କରୁଛି । ଉଭୟ ରାଜ୍ୟର ସରକାର ଦେଇଥିବା ସତ୍ୟପାଠକୁ ତଥ୍ୟ ପ୍ରମାଣ ସହ ଦାଖଲ ଲାଗି ଟ୍ରାଇବୁନାଲ ନିର୍ଦ୍ଦେଶ ଦେଇଛନ୍ତି। । ଦୁଇ ସପ୍ତାହ ମଧ୍ୟରେ ତଥ୍ୟ ପ୍ରମାଣ ସହ ଲିଖିତ ତଥ୍ୟ ଜଣାଇବାକୁ ନିର୍ଦ୍ଦେଶ ଦିଆଯାଇଛି। ତେବେ ମାର୍ଚ୍ଚ ୯ ତାରିଖକୁ ଚୂଡାନ୍ତ ରାୟ ନିମନ୍ତେ ଦିନ ଧାର୍ଯ୍ୟ କରାଯାଇଛି।
ଚୂଡାନ୍ତ ରାୟ ପୂର୍ବରୁ ଓଡ଼ିଶା ଓ ଛିତିଶଗଡ଼କୁ ଟ୍ରାଇବୁନାଲ ବିସ୍ତୃତ ତଥ୍ୟ ଯୋଗାଇ ଦେବାକୁ ପରାମର୍ଶ ଦେଇଛନ୍ତି । ଉଭୟ ରାଜ୍ୟଙ୍କୁ ଆପୋସ ସମାଧାନ ଲାଗି ମଧ୍ୟ ଟ୍ରାଇବୁନାଲ କହିଛନ୍ତି । ପୂର୍ବରୁ ଡିସେମ୍ବର ୧୫ରେ ଓଡ଼ିଶା-ଛତିଶଗଡ଼ ମହାନଦୀ ଜଳ ବିବାଦର ଶୁଣାଣି ମହାନଦୀ ଟ୍ରାଇବୁନାଲରେ ହୋଇଥିଲା । ଶୁଣାଣି ସମୟରେ ଓଡିଶାକୁ ସତ୍ୟପାଠ ଦାଖଲ କରିବାକୁ ଟ୍ରାଇବୁନାଲ ନିର୍ଦ୍ଦେଶ ଦେଇଥିଲେ ।
