ଗଞ୍ଜାମ : ଗଞ୍ଜାମ ସହରରେ ଐତିହାସିକ ଦୋଳ ଯାତ୍ରାର ପ୍ରାରମ୍ଭିକ ପ୍ରକ୍ରିୟା ଆରମ୍ଭ ହୋଇଯାଇଛି । ସୋମବାର ଦିନ ଏକାଦଶୀ ଅବସରରେ ପ୍ରତି ସାହି ଠାକୁର ନିଜ ନିଜ ସାହିରେ ପରିକ୍ରମା କରିବେ ଓ ଦ୍ଵାର ଭୋଗ ଖାଇବେ । ଯାହାକୁ ନେଇ ଗଞ୍ଜାମ ସହର ଏବେ ଚଳଚଞ୍ଚଳ ହୋଇଉଠିଛି । ଆଉ ଦିନକ ପରେ ସହରରେ ଦୋଳ ଯାତ୍ରା ଅଥଚ ଦୀର୍ଘ ଦିନ ହେଲା ସହର ବାହାର ଆସୁଥିବା ଲୋକଙ୍କ ପାଇଁ ଠିକଭାବେ ଶୌଚାଳୟ ଟିଏ ନାହିଁ । ଯାତ୍ରାରେ ହଜାର ହଜାର ଲୋକଙ୍କ ସମାଗମ ହେବେ କିନ୍ତୁ ଆଦ୍ୟାବଧି ସେହି ସମସ୍ୟା ସମାଧାନ ହୋଇନି । ବିଜ୍ଞାପିତ ଅଞ୍ଚଳ ପରିଷଦ କର୍ତ୍ତୃପକ୍ଷ ପକ୍ଷଙ୍କ ଆନ୍ତରିକତା ନାହିଁ । ଏହି ସମସ୍ୟାର ସମାଧାନ ପାଇଁ ଯାତ୍ରା ପାଇଁ ଶାନ୍ତି କମିଟି ବୈଠକରେ ଆଲୋଚନା ହୋଇଥିଲା । କିନ୍ତୁ କିଛି ପଦକ୍ଷେପ ନିଆ ହୋଇନାହିଁ । ଯାହାଫଳରେ ଘୋର ଅସୁବିଧା ସମୁଖୀନ ହେଉଛନ୍ତି ସାଧାରଣ ଲୋକେ । ଅନ୍ୟ ପଟେ ବିକାଶ ଡିଣ୍ଡିମ ପିଟୁଥିବା ବିଜ୍ଞାପିତ ଅଞ୍ଚଳ ପରିଷଦ କର୍ତୃପକ୍ଷ କିନ୍ତ ସାଧାରଣ ସମସ୍ୟା ଦୂର କରିବାରେ ବିଫଳ ହୋଇଛନ୍ତି। ଯାହାର ଏକ ନଗ୍ନ ନମୁନା ଏହି ଶୌଚାଳୟରୁ ହିଁ ଜଣାପଡୁଛି । ଯାହାକୁ ନେଇ ବୁଦ୍ଧିଜୀବୀ ମହଲରେ ଉଦବେଗ ପ୍ରକାଶ ପାଉଛି । ସୂଚନା ଯୋଗ୍ୟ ସହର ମଧ୍ୟରେ ଭଲ ଶୌଚାଳୟଟିଏ ନାହିଁ । ବିଶେଷ କରି ମହିଳା ମାନେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି । ଜିଲ୍ଲା ପ୍ରଶାସନ ଏଥି ପ୍ରତି ଦୃଷ୍ଟି ଦେବାକୁ ଦାବି ହେଉଛି ।
Popular Categories
Previous article
Next article