ଯାଜପୁର : ପରିବାର ଲୋକଙ୍କୁ ନିଶା ଦେଇ ଘରୁ ଫେରାର୍ ହେଲା ନାବାଳିକା। ପ୍ରେମିକର ପ୍ରରୋଚନାରେ ନାବାଳିକା ଜଣକ ଏଭଳି କାଣ୍ଡ ଘଟାଇଥିଲା । ସୂଚନା ଅନୁଯାୟୀ ଯାଜପୁର ଜିଲ୍ଲା କୁଆଖିଆ ଥାନା ନଠୁଆବର ଗାଁର ଜଣେ ନାବାଳିକା ଖାଦ୍ୟରେ ନିଶା ମିଶାଇ ତାର ପରିବାର ଲୋକଙ୍କୁ ଦେଇ ଘରୁ କେଉଁଆଡେ ଫେରାର ହୋଇଯାଇଛି। ଫଳରେ ନିଶା ଔଷଧ ମିଶା ବିଷାକ୍ତ ଖାଦ୍ୟ ଖାଇ ପରିବାରର ୫ ଜଣ ସଦସ୍ୟ ଗୁରୁତର ହୋଇପଡିଥିଲେ। ସେମାନଙ୍କୁ ତୁରନ୍ତ ଉଦ୍ଧାର କରାଯାଇ ଯାଜପୁର ମେଡିକାଲରେ ଭର୍ତ୍ତି କରାଯାଇଥିଲା। ହେଲେ ଆଜି ଅଧିକ ଚିକିତ୍ସା ପାଇଁ ଦୁଇ ଜଣ ଶିଶୁଙ୍କୁ କଟକ ଶିଶୁଭବନକୁ ସ୍ଥାନାନ୍ତର କରାଯାଇଛି। ପରିବାରର ବାପା, ମାଆ ସହ ୩ ଭାଇ ଭଉଣୀଙ୍କୁ ନିଶା ଦେଇ ନାବାଳିକା ଜଣକ ଫେରାର୍ ହୋଇଯାଇଛି। କେବଳ ସେତିକି ନୁହେଁ ଘରୁ ସୁନା ଗହଣା ନେଇ ଜଣେ ଯୁବକଙ୍କ ସହ ଫେରାର ହୋଇଯାଇଛି।
Popular Categories
Previous article
Next article