ଗଞ୍ଜାମ : ଗଞ୍ଜାମର ରଙ୍ଗେଇଲୁଣ୍ଡାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପହଞ୍ଚି ୧୧୦୦ କୋଟି ଟଙ୍କା ପ୍ରକଳ୍ପର ଭେଟି ଦେଇଛନ୍ତି। ମୁଖ୍ୟମନ୍ତ୍ରୀ ୨୩୧ ଟି ପ୍ରକଳ୍ପର ଉଦଘାଟନ ଓ ୪୮ ଟି ପ୍ରକଳ୍ପର ଶିଳାନ୍ୟାସ କରିଛନ୍ତି। ପୁରୀର ମାଳତୀପାଟପୁରଠାରେ ଚାଷୀ ସମାବେଶ ପରେ ଆଜି ଗଞ୍ଜାମରେ ଦ୍ୱିତୀୟ ଚାଷୀ ସମାବେଶରେ ମୁଖ୍ୟମନ୍ତ୍ରୀ ଯୋଗ ଦେବା ସହ ରଙ୍ଗେଇଲୁଣ୍ଡା ଠାରେ ଉପକରଣ ବଣ୍ଟନ କରିଛନ୍ତି। ‘କାଳିଆ’ ଯୋଜନାରେ ଚାଷୀଙ୍କୁ ସହାୟତା ପତ୍ର ପ୍ରଦାନ କରିଛନ୍ତି। ମୁଖ୍ୟମନ୍ତ୍ରୀ ନିଜ ଅଭିଭାଷଣରେ ସଭିଁଙ୍କୁ ସମ୍ବର୍ଦ୍ଧନା ଜଣାଇଛନ୍ତି। ଏହା ସହ ଚାଷୀମାନଙ୍କ ଆକାଉଣ୍ଟକୁ ୫ ହଜାର ଟଙ୍କା ପଠାଇଛନ୍ତି। ‘କାଳିଆ’ ଯୋଜନାରେ ଚାଷୀମାନେ ସାମିଲ ହୋଇଥିବାରୁ ସେ ଖୁସି ବୋଲି କହିଛନ୍ତି। ରାଜ୍ୟ ସରକାରଙ୍କ ତରଫରୁ କୃଷକଙ୍କ ହିତ ପାଇଁ ଏପରି ଉଦ୍ୟମ ଜାରି ରହିବ ବୋଲି ମୁଖ୍ୟମନ୍ତ୍ରୀ କହିଛନ୍ତି।
