ଲାଞ୍ଜିଗଡ଼: ଲାଞ୍ଜିଗଡ ଥାନା ଅନ୍ତର୍ଗତ ଭାଟଗୁଡ଼ା ନିକଟରେ ଶନିବାର ୯ ଘଣ୍ଟା ସମୟରେ ବାଇକ ଧକ୍କାରେ ଏକ ବୃଦ୍ଧା ଗୁରୁତର ହୋଇଥିବା ସୂଚନା ମିଳିଛି। ଭାଟଗୁଡ଼ା ଗ୍ରାମର ଲକ୍ଷ୍ମଣ ମାଝୀ (୫୫) କୌଣସି କାମରେ ଉପର ପଡ଼ାକୁ ଯାଇ ଘରକୁ ଫେରୁଥିଲେ ଏବଂ ରାସ୍ତା ପାର ହେଉଥିବାବେଳେ ଲାଞ୍ଜିଗଡ ଠାରୁ ବିଶ୍ଵନାଥପୁର ଆଡକୁ ଏକ ବାଇକ ନଂ (ଓଡି-୦୮-ଏଲ-୩୮୯୩) ଦ୍ରୁତ ଗତିରେ ଯାଉଥିବା ବେଳେ ତାଙ୍କୁ ଧକ୍କା ଦେଇଥିଲା ଏବଂ ଭାରସାମ୍ୟ ହରାଇ ଗଛରେ ପିଟିହୋଇ ଯାଇଥିଲା।
ବାଇକ ଚାଳକ ବୃଦ୍ଧକୁ ଧକ୍କା ଦେଇ ଖସି ପଳାଉଥିବା ବେଳେ ସ୍ଥାନୀୟ ଲୋକେ କାବୁକରି ବାଇକ ଛଡାଇ ରଖି ଲାଞ୍ଜିଗଡ ପୁଲିସକୁ ଖବର ଦେଇଥିଲେ। ବାଇକ ଧକ୍କାରେ ବୃଦ୍ଧ ଲକ୍ଷ୍ମଣ ତଳେ ପଡ଼ିଯାଇଥିବା ବେଳେ ତାଙ୍କର ବାମ ଗୋଡ଼ ଭାଙ୍ଗିଯାଇଥିଲା ଏବଂ ସ୍ଥାନୀୟ ଲୋକେ ତାଙ୍କୁ ଉଦ୍ଧାର ପରେ ଆମ୍ବୁଲାନସ ଯୋଗେ ଲାଞ୍ଜିଗଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ। ଲାଞ୍ଜିଗଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା କରାଯାଇଥିଲା ଏବଂ ବୃଦ୍ଧଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭବାନୀପାଟଣା ଜିଲା ମୁଖ୍ୟାଳୟକୁ ସ୍ଥାନାନ୍ତରିତ କରାଯାଇଥିଲା। ଖବରପାଇ ଲାଞ୍ଜିଗଡ ପୁଲିସ ପକ୍ଷରୁ ଏସଆଇ ଲିଙ୍ଗରାଜ ସେଠୀ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଥିବା ସୂଚନା ମିଳିଛି।
Comments are closed.