ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ମଦନମୋହନପୁର ଗାଁରେ ଧାର ଟଙ୍କା ମାଗିବାକୁ କେନ୍ଦ୍ର କରି ଲୁହା ଛଡରେ ନାବାଳକ ଛାତ୍ରକୁ ଆକ୍ରମଣ କରିଥିବା ନେଇ ନାବାଳକଙ୍କ ବାପା ଏନ. ରାମୁଡୁ ଗୋଳନ୍ଥରା ଥାନାରେ ଅଭିଯୋଗ କରିଛନ୍ତି। ଏ ନେଇ ପୋଲିସ ଥାନା କେଶ ନଂ ୫୦୦/୨୪ରେ ଏକ ହତ୍ୟା ଉଦ୍ୟମ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଅଭିଯୋଗ ଅନୁଯାୟୀ ମଦନମୋହନପୁର ଗ୍ରାମରେ ନାବାଳକ ଛାତ୍ର ଏନ. ନିରଞ୍ଜନ ଶୁକ୍ରବାର ସନ୍ଧ୍ୟା ସାଢେ ୭ଟା ବେଳେ ଗ୍ରାମର ହନୁମାନ ମନ୍ଦିର ନିକଟରେ ବସିଥିଲେ। ସେହି ଗ୍ରାମ ଏନ ହରେକୃଷ୍ଣ ସେଠାକୁ ଯାଇଥିଲେ। ନିରଞ୍ଜନ ଧାର ଟଙ୍କାକୁ ହରେ କୃଷ୍ଣକୁ ମାଗିଥିଲେ। କିଛି ଟଙ୍କା ଜାଣିନି ବୋଲି ହରେ କୃଷ୍ଣ କହିଥିଲେ। କିଛି ସମୟ ପରେ ଉଭୟଙ୍କ ମଧ୍ୟ୍ୟ ବଚସା ହୋଇଥିଲା। ହରେ କୃଷ୍ଣ ଉତ୍ୟକ୍ତ ହୋଇ ଏକ ଲୁହ ଛଡରେ ନିରଞ୍ଜନର ମୁଣ୍ଡକୁ ଆକ୍ରମଣ କରି ରକ୍ତାକ୍ତ କରି ଦେଇଥିଲେ। ଘଟଣା ଦେଖି ଗ୍ରାମବାସୀ ସେଠାରେ ପହଞ୍ଚି ଯିବା ଫଳରେ ପରେ ନିରଞ୍ଜନଙ୍କୁ ଜୀବନରେ ମାରିଦେବା ପାଇଁ ଧମକ ଦେଇ ସେଠାରୁ ଚମ୍ପଟ ମାରିଥିଲେ। ପରିବାର ଲୋକ ଜାଣିବା ପରେ ନିରଞ୍ଜନକୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଥିଲେ। ଘଟଣା ସମ୍ପର୍କରେ ନାବାଳକ ପିତା ଗୋଳନ୍ଥରା ଥାନାରେ ଅଭିଯୋଗ କରିଥିଲେ। ଅନ୍ୟ ପଟେ ହରେକୃଷ୍ଣ ଘରେ ଥିବା ବେଳେ ନିରଞ୍ଜନ ଡାକି ନେଇ ତାଙ୍କ ପରିବାର ଲୋକ ମିଳିତ ହୋଇ ହରେକୃଷ୍ଣଙ୍କୁ ଆକ୍ରମଣ କରିଥିବା ନେଇ ହରେକୃଷ୍ଣ ମା ଏନ. ଯମୁନା ଗୋଳନ୍ଥରା ଥାନାରେ ଆଉ ଏକ ପାଲଟା ଅଭିଯୋଗ କରିଛନ୍ତି। ପୋଲିସ ଆଉ ଏକ ମାମଲା ରୁଜୁ କରି ତଦନ୍ତ ଚଳାଇଛି। ଅନ୍ୟପଟେ ପୀଡିତ ନାବାଳକ ପରିବାରକୁ ଅଭିଯୁକ୍ତ ପରିବାର ଧମକ ଚମକ ଦେବା ଅଭିଯୋଗ ହେଉଅଛି। ହରେକୃଷ୍ଣ ଆଜି ସକାଳୁ ଥାନାକୁ ଆସି ଥିବା ବେଳେ ପୋଲିସ ଗିରଫ ନ କରିବା ସନ୍ଦେହ ସୃଷ୍ଟି କରୁଥିବା ବେଳେ ଘଟଣାର ୨୪ ଘଣ୍ଟା ବିତି ଯାଇଥିଲେ ମଧ୍ୟ ପୋଲିସ ଅଭିଯୁକ୍ତକୁ କାହିଁକି ଗିରଫ କରୁନାହିଁ ତାହା ନେଇ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
Comments are closed.