ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଚୋରିର ଭିଡିଓ ଆପଣ ଦେଖିଥିବେ ନିଶ୍ଚୟ । ଏବେ ଏମିତି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଜଣେ ମହିଳା ଗହଣା ଦୋକାନରୁ ସୁନା ଚୋରି କରୁଛନ୍ତି । ପ୍ରାୟ ୧୬ ଲକ୍ଷ ଟଙ୍କାର ସୁନା ଅଳଙ୍କାର ଚୋରି କରୁଛନ୍ତି ମହିଳା ।
4 Women Looted Jewellery over 16.5 Lac pic.twitter.com/rkFMiXYQIf
— Ghar Ke Kalesh (@gharkekalesh) November 10, 2024
ସାମାଜିକ ଗଣମାଧ୍ୟମରେ ସିସିଟିଭି ଫୁଟେଜ୍ ଭାଇରାଲ ହେଉଛି । ସେ ଏଭଳି ଚୋରି କରୁଛନ୍ତି କି ନିଜେ ଗହଣା ଦୋକାନୀ ମଧ୍ୟ ଜାଣିପାରୁନାହାଁନ୍ତି । ଭିଡିଓରେ ୪ ଜଣ ମହିଳା ନଜର ଆସୁଛନ୍ତି । ଜଣେ ମହିଳା ସୁନା ଦେଖିବା ସମୟରେ ଅନ୍ୟ ମହିଳାମାନେ ଯୋଜନାବଦ୍ଧ ଭାବେ ଗହଣା ଚୋରି କରୁଛନ୍ତି । ଏହି ସମସ୍ତ ଦୃଶ୍ୟ ସିସିଟିଭିରେ କଏଦ ହୋଇଛି । ଏବେ ଏହା ଭାଇରାଲ ହେବାରେ ଲାଗିଛି ।
ଭିଡିଓଟି ୨୨ ଜୁନ୍ ୨୦୨୪ ସକାଳ ପ୍ରାୟ ୧୧ଟା ୪୧ ମିନିଟ୍ ସମୟର ବୋଲି ଜଣାପଡିଛି । ମହିଳା ଜଣକ ପ୍ରାୟ ୧୬ ଲକ୍ଷ ଟଙ୍କାର ସୁନା ଚୋରି କରିନେଇଛନ୍ତି । ସିସିଟିଭି ଆଧାରରେ ମହିଳାଙ୍କ ସନ୍ଧାନ ଜାରି ରଖିଛି ପୁଲିସ । ଅନ୍ୟପଟେ ଭିଡିଓକୁ ସମସ୍ତେ ଲାଇକ୍ କରିବା ସହ ସେୟାର କରୁଛନ୍ତି ।
