ଆଠଗଡ: ଆଠଗଡ ପୁଲିସ ଏକ ଚୋରି ଟ୍ରକ ଉଦ୍ଧାର କରିବାରେ ସଫଳ ହୋଇଛି। ଆଠଗଡ ଥାନା ଅନ୍ତର୍ଗତ କଟକିଆସାହି ପଞ୍ଚାୟତର ନୂଆଗଡ ଗ୍ରାମର ମାନସ ଜେନାଙ୍କ ଏକ ଟ୍ରକ ଚୋରି ହୋଇଯାଇଥିଲା। ମଙ୍ଗଳବାର ରାତିରେ ତାଙ୍କର ଘର ନିକଟରୁ କେହି ଦୁବୁର୍ତ୍ତ ଟ୍ରକଟିକୁ ଚୋରି କରିନେଇଥିଲେ। ଘଟଣା ସମ୍ପର୍କରେ ମାନସ ବୁଧବାର ଆଠଗଡ ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ମାମଲା ରୁଜୁ କରି ତ୍ବରିତ ପଦକ୍ଷେପ ଗ୍ରହଣ କରିଥିଲା। ଆଇଆଇସି ଅନିରୁଦ୍ଧ ମୁଦୁଲିଙ୍କ ନେତୃତ୍ୱରେ ପୁଲିସ ଦଳ ଗାଡିକୁ ଟ୍ରାକ କରି ଦିନତମାମ ସନ୍ଧାନ ଜାରି ରଖିଥିଲେ। ଅନୁଗୋଳ ନିକଟସ୍ଥ ଏକ ଜଙ୍ଗଲ ନିକଟରେ ଟ୍ରକଟି ଥିବା ଜଣାପଡିଥିଲା। ପୁଲିସ ଗାଡିକୁ ସନ୍ଧ୍ୟାରେ ଜବତ କରିବା ପରେ ଆଠଗଡ ଆଣିଥିଲେ। ପୁଲିସର ତ୍ବରିତ ପଦକ୍ଷେପ ଓ ସଫଳତାକୁ ସାଧାରଣରେ ଉଚ୍ଚ ପ୍ରଶଂସା କରାଯାଇଛି।
Popular Categories
Previous article
Next article