ଭବାନୀପାଟଣା: ଜୟପାଟଣା ବ୍ଲକ ଅଁଳାଭଟା ପଂଚାୟତର ଟିଙ୍ଗୋପଖାନ ଗାଁରେ ଝାଡାବାନ୍ତିରେ ୧୬ ଜଣ ଆକ୍ରାନ୍ତ ହେଇ ଜୟପାଟଣା ଡାକ୍ତରଖାନାରେ ଭର୍ତ୍ତି ହେଇଛନ୍ତି। ପୂର୍ବରୁ ପଂଚାୟତ ମହକୁମା ଅଁଳାଭଟାର ୪ ଜଣ ଆକ୍ରାନ୍ତ ହେଉଥିବା ସୂଚନା ମିଳିଛି। ସୂଚନା ପାଇ ଆଜି ସ୍ଥାନୀୟ ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରର ଏକ ଚିକିତ୍ସକ ଦଳ ଗାଁ କୁ ଯାଇ ଲୋକଙ୍କ ଚିକିତ୍ସା କରିଥିଲେ।
ଡାକ୍ତରଖାନା ରେ ଭର୍ତ୍ତି ରୋଗୀଙ୍କ ମଧ୍ୟରୁ ଦୁଇଜଣଙ୍କୁ ଏସଆରଏମ ଭେଷଜ ମହାବିଦ୍ୟାଳୟ ଅନ୍ତର୍ଗତ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି। ଟିଙ୍ଗୋପଖାନ ଗାଁ ରେ ଅସ୍ୱାସ୍ଥ୍ୟକର ପରିବେଶ , ଗାଁ ରାସ୍ତାରେ ଅନବରତ ନର୍ଦ୍ଧମା ପାଣି ଚାଲିବା, ନଳକୂପ ନିକଟରେ ସନ୍ତସନ୍ତିଆ ପରିବେଶ ଝାଡାବାନ୍ତିର ମୁଖ୍ୟ କାରଣ ବୋଲି କୁହାଯାଉଛି। ଆସନ୍ତାକାଲି ଜିଲା ମହକୁମାରୁ ଏକ ଦଳ ଟିଙ୍ଗୋପଖାନ ଗାଁ କୁ ଯିବାର କାର୍ଯ୍ୟକ୍ରମ ରହିଛି।
