ବାସୁଦେବପୁର:ବାସୁଦେବପୁର ବ୍ଲକରେ କାର୍ଯ୍ୟରତ କେତେଜଣ କର୍ମଚାରୀ ବିଳମ୍ବରେ ଅଫିସ ଅସୁଥିବାରୁ ଅସନ୍ତୋଷ ବଢିବାରେ ଲାଗିଛି। ଗ୍ରାମାଞ୍ଚଳରୁ ବିଭିନ୍ନ ଅଭିଯୋଗକୁ ନେଇ ଆସୁଥିବା ଜନସାଧାରଣ କର୍ମଚାରୀମାନଙ୍କ ଅନୁପସ୍ଥିତ କାରଣରୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏନେଇ ବାରମ୍ବାର ଅଭିଯୋଗ ହୋଇ ଆସୁଥିଲେହେଁ ଆଜି ମଧ୍ୟାହ୍ନ ବାରଟା ପରେ ବ୍ଲକରେ କାର୍ଯ୍ୟରତ ଥିବା ସିପି(କମ୍ପ୍ୟୁଟର ପୋଗ୍ରାମର) ଆଦିତ୍ୟ ପଣ୍ଡା ଆସିଥିବା ଦେଖିବାକୁ ମିଳିଥିଲା। ବ୍ଲକରେ ପହଞ୍ଚି ଉପସ୍ଥାନ ଖାତାରେ ଦସ୍ତଖତ କରିବା ସମୟରେ କେତେକ ଜନପ୍ରତିନିଧୀ ବାଧା ଦେଇଥିଲେ।
ଏହି ସମୟରେ ଶ୍ରୀ ପଣ୍ଡା ଉପସ୍ଥାନ ଖାତାରେ ଦସ୍ତଖତ କରିପାରିନଥିବା ସହ ଶୁକ୍ରବାରଦିନ କାର୍ଯ୍ୟରେ ଯୋଗଦେଇଥିଲେ ବୋଲି କହିଥିଲେ। ମାତ୍ର କାର୍ଯ୍ୟବ୍ୟସ୍ଥତା କାରଣରୁ ଉପସ୍ଥାନ ଖାତାରେ ଦସ୍ତଖତ କରିପାରିନଥିବା କହିଥଛନ୍ତି। ଏଠାରେ ସୂଚନା ଦିଆଯାଇପାରେ, ବାସୁଦେବପୁର ବ୍ଲକରେ କାର୍ଯ୍ୟରତ ସିପି ଶ୍ରୀ ପଣ୍ଡା,କେତେକ ପଞ୍ଚାୟତର ଡିଏସସି(ଡିଜିଟାଲ ସିଗନେଚର ସାଟିଫିକେଟ)କୁ ରଖିଥିବା ଅଭିଯୋଗ ହୋଇ ଆସୁଥିବା ସହିତ ଅର୍ପଣରଥରେ ବାବଦକୁ ଆସିଥିବା ଅର୍ଥରାଶି ହଡପ କରିବାକୁ ନେଇ ବିରୋଧୀ ଭାଜପା ଧାରଣାରେ ବସିଥିଲା। ଏନେଇ ବିଡିଓ ସଞ୍ଜିବ କୁମାର ସାହୁ କହିଛନ୍ତି ଯେ ଅଫିସକୁ ବିଳମ୍ବରେ ଆସୁଥିବା କର୍ମଚାରୀ ଓ କାର୍ଯ୍ୟରେ ଅବହେଳା କରୁଥିବା କର୍ମଚାରୀଙ୍କ ବିରୁଦ୍ଧେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
