ଚେନ୍ନାଇ ..– ବସ୍ ଜାଳିବା ପାଇଁ ଉଦ୍ୟମ କରୁଥିବା ବିକ୍ଷୋଭକାରୀଙ୍କୁ ଜଣେ ସାହାସୀ ପୁଲିସ୍ ଦେଇଥିବା ଆହ୍ୱାନ ଏବେ ବେଶ୍ ଭାଇରାଲ ହୋଇଛି । ଶାବରୀମାଳା ପ୍ରସଙ୍ଗରେ ତାମିଲନାଡୁ ଓ କେରଳ ସୀମାରେ ଥିବା କାଲିୟାକଭିଲା ନିକଟରେ ଉଗ୍ ବିକ୍ଷୋଭ ପ୍ରଦର୍ଶନ ବେଳେ ଏହି ଘଟଣା ଘଟିଛି । ବିନ୍ଦୁ ଓ କନକଦୂର୍ଗ ନାମକ ମହିଳା ଶାବରୀମାଳା ମନ୍ଦିରରେ ପ୍ରବେଶ କରିବା ପରେ ଦକ୍ଷିଣ ପନ୍ଥୀ ସମର୍ଥକମାନେ ଉଗ୍ର ପ୍ରଦର୍ଶନ କରିଥିଲେ । ଏତିକି ବେଳେ ବିକ୍ଷୋଭକାରୀମାନେ ବସ୍ ଜାଳିବା ପାଇଁ ଉଦ୍ୟମ କରିଥିଲେ। ହେଲେ ପ୍ରଦର୍ଶନକାରୀମାନଙ୍କୁ ମୋହନ ଆୟର ନାମକ ପୁଲିସ ଅଧିକାରୀ ଅଙ୍ଗୁଳି ଦେଖାଇବା ସହ ସିଙ୍ଘମ ସିନେମା ଦୃଶ୍ୟପରି ବିକ୍ଷୋଭକାରୀମାନଙ୍କୁ ଆହ୍ୱାନ ଦେଇଥିଲେ । ବସ୍ ଜାଳିବାକୁ ଯାଉଥିବା ବେଳେ ସେ ବିକ୍ଷୋଭକାରୀଙ୍କୁ ପୁରୁଷ ତ ବସ୍କୁ ଜାଳି କି ଦେଖାଅ ବୋଲି କହିଥିଲେ । ତାମିଲ ଭାଷାରେ ସେ ଏ କଥା କହିଥିଲେ ।
ପୁଲିସ ଅଧିକାରୀ ମୋହନ ଆୟରଙ୍କ ଏହା ସାହାସିକତାକୁ ଅନେକ ପସନ୍ଦ କରିଛନ୍ତି । କେରଳ ସଡକ ପରିବହନ ବିଭାଗ ତାଙ୍କ ପାଇଁ ପୁରସ୍କାର ଘୋଷଣା କରିଛନ୍ତି । ଏହି ଦିନ ବିକ୍ଷୋଭ ପ୍ରଦର୍ଶନ ବେଳେ ଶହ ଶହ ସଂଖ୍ୟାରେ କେରଳ ସଡକ ପରିବହନର ବସ୍କୁ ଭଙ୍ଗାରୁଜା କରାଯାଇଛି । ଏ ସବକୁ ଠିକ୍ କରିବା ପାଇଁ କେରଳ ସଡକ ପରିବହନ ନିଗମକୁ ୩.୫ କୋଟି ଟଙ୍କା ଖର୍ଚ୍ଚ କରିବାକୁ ପଡିବ ବୋଲି ଆକଳନ କରାଯାଇଛି ।
