ଗର୍ଭବତୀ ମହିଳାଙ୍କୁ ମୁଖ୍ୟ ସମସ୍ୟା ହେଉଛି ଖାଦ୍ୟ ପାନୀୟ । କ’ଣ ଖାଇଲେ ଗର୍ଭସ୍ଥ ଶିଶୁ ସ୍ବାସ୍ଥ୍ୟବାନ ହେବ ତାହାକୁ ନେଇ ଦ୍ବନ୍ଦ ରହିଥାଏ । ଏହି ସମୟରେ ଖାଦ୍ୟ ପାନୀୟ ଠାରୁ ଆରମ୍ଭ କରି ଜୀବନଶୈଳୀ ପର୍ଯ୍ୟନ୍ତ, ସବୁଥିରେ ଅନେକ ପରିବର୍ତ୍ତନ ହୋଇଥାଏ । ଯଦି ଗର୍ଭବତୀ ମହିଳା ଭୋଜନରେ ଏହି ତେଲକୁ ସାମିଲ କରନ୍ତି, ତେବେ ଗର୍ଭସ୍ଥ ଶିଶୁ ସୁସ୍ଥ ରହିଥାଏ ।
ଏହି ସମୟରେ ଗର୍ଭବତୀ ମହିଳାମାନେ ନିୟମିତ ଭୋଜନରେ ମାଛ ତେଲ ସାମିଲ କରିବା ଉଚିତ୍ । ପ୍ରସବର କିଛି ଦିନ ପୂର୍ବରୁ ଖାଦ୍ୟରେ ମାଛ ତେଲ ବ୍ୟବହାର କରିବା ଦ୍ବାରା ଶିଶୁ ସୁସ୍ଥ ରହିଥାଏ । ଶିଶୁଟିର ଶରୀର ଉପରେ ଏହାର ସୁପ୍ରଭାବ ପଡିଥାଏ । ଏହା ସହ ପ୍ରସବ ସମୟରେ ମା’ କୁ ଅଧିକ କଷ୍ଟ ସହିବାକୁ ପଡିନଥାଏ ।
ଲଣ୍ଡନର ଏକ ବିଶ୍ବବିଦ୍ୟାଳୟରେ ହୋଇଥିବା ଗବେଷଣାରୁ ଜଣାପଡିଛି, ଗର୍ଭବତୀ ମସୟରେ ମହିଳାମାନେ ମାଛ ତେଲ ସେବନ କରିବା ଦ୍ବାରା ଗର୍ଭସ୍ଥ ଶିଶୁକୁ ଆଲର୍ଜୀ ହେବାର ସମ୍ଭାବନା ୩୦ ପ୍ରତିଶତ କମ୍ ଥାଏ । କାରଣ ମାଛ ତେଲରେ ଓମେଗା-୩ ରହିଛି । ଯାହା ଶିଶୁର ପାଚନ କ୍ରିୟା ଉପରେ ସକାରାତ୍ମକ ପ୍ରଭାବ ପକାଇଥାଏ ।
