ନୂଆବର୍ଷ ସମସ୍ତଙ୍କ ଜୀବନରେ ନୂଆ ଆଶା ସଞ୍ଚାର କରିଥାଏ । ନୂଆବର୍ଷରେ କିଛି ଲୋକ ବିବାହ କରିବା ଭଳି ମହତ୍ତ୍ବପୂର୍ଣ୍ଣ ନିର୍ଣ୍ଣୟ ନେଇଥାଆନ୍ତି । ବିବାହକୁ ନେଇ ସମସ୍ତଙ୍କ ମନରେ କିଛି ସ୍ବପ୍ନ ରହିଥିାଏ । ଏହି ଦିନଟିକୁ ସ୍ମରଣୀୟ କରିବା ପାଇଁ ଖାଦ୍ୟଠାରୁ ନେଇ ସ୍ଥାନ ଏବଂ ସାଜସଜ୍ଜା ଉପରେ ବହୁତ ଗୁରୁତ୍ବ ଦେଇଥାଆନ୍ତି । ହେଲେ ଯେଉଁ ବ୍ୟକ୍ତିଟିକୁ ଆପଣ ବିବାହ କରିବାକୁ ନିଷ୍ପତ୍ତି ନେଇଛନ୍ତି, ବିବାହ ପୂର୍ବରୁ ସେହି ବ୍ୟକ୍ତିକୁ କିଛି ପ୍ରଶ୍ନ କରନ୍ତୁ । ଫଳରେ ବିବାହ ପୂର୍ବରୁ ପରସ୍ପରକୁ ଜାଣିବା ଅଧିକ ସହଜ ହୋଇଯିବ ।
ଆର୍ଥିକ ସ୍ଥିତି: ବିବାହ ପୂର୍ବରୁ କିଛି ଲୋକ ନିଜ ସାଥୀ ପ୍ରଶ୍ନ କରିବାକୁ ଚାହାଁନ୍ତି ହେଲେ ପଚାରି ପାରନ୍ତି ନାହିଁ । କାରଣ ଟଙ୍କା ପଇସା ସମ୍ବନ୍ଧୀୟ ପ୍ରଶ୍ନ କରିବାକୁ କିଛି ଲୋକ ପଛଘୁଞ୍ଚା ଦିଅନ୍ତି । କିନ୍ତୁ ଏହି ପ୍ରଶ୍ନ କରିବା ନିହାତି ଆବଶ୍ୟକ । ବିବାହ ପୂର୍ବରୁ ସାଥୀଙ୍କ ଆର୍ଥିକ ସ୍ଥିତି ବିଷୟରେ ତଥ୍ୟ ରଖିବା ଜରୁରୀ ଅଟେ ।
ଫ୍ୟାମିଲ ପ୍ଲାନିଙ୍ଗ: ବିବାହ ପୂର୍ବରୁ ନିଜ ସାଥୀଙ୍କ ସହ ଫ୍ୟାମିଲ ପ୍ଲାନିଙ୍ଗ ବିଷୟରେ କଥା ହେବ ନିହାତି ଜରୁରୀ ଅଟେ । କାରଣ ଦୁଇ ଜଣଙ୍କ ଚିନ୍ତାଧାରା ଓ ଆବଶ୍ୟକତା ଭିନ୍ନ ହୋଇଥାଏ । ତେଣୁ ଏହି ବିଷୟରେ ବିବାହ ପୂର୍ବରୁ ନିର୍ଣ୍ଣୟ ନେବା ଠିକ୍ ହେବ ।
ସାଥୀଙ୍କ ଅଭ୍ୟାସ: ବିବାହ ପୂର୍ବରୁ ସାଥୀଙ୍କ ଅଭ୍ୟାସ ବିଷୟରେ ପଚାରି ବୁଝି ଦିଅନ୍ତୁ । ତାଙ୍କର କ’ଣ ପସନ୍ଦ ଓ ନାପସନ୍ଦ ବିଷୟରେ ମଧ୍ୟ ଆପଣ ଜାଣି ପାରିବେ । ଯାହା ଫଳରେ ଆପଣଙ୍କ ଦାମ୍ପତ୍ୟ ଜୀବନ ସୁଖମୟ ହୋଇପାରିବ।
