ଧର୍ମଗଡ଼: ନିର୍ବାଚନର ମାତ୍ର ତିନି ମାସ ପୂର୍ବରୁ ତତ୍କାଳୀନ ମୁଖ୍ୟମନ୍ତ୍ରୀ ନବିନ ପଟ୍ଟନାୟକଙ୍କ ଦ୍ବାରା ଲୋକାର୍ପଣ ହୋଇଥିଲା। ସହରର କ୍ରମ ବର୍ଦ୍ଧିଷ୍ଣୁ ଜନସଂଖ୍ୟା ସହ ସଙ୍କୁଚିତ ପରିବେଶ ପାଇଁ ସହରବାସୀ ଏକ ଇନଡୋର ଷ୍ଟାଡିୟମର ଆବଶ୍ୟକତା ଅନୁଭବ କରୁଥିଲେ। ଏଥିପାଇଁ ଅନେକ ସମୟରେ ଦାବି ହେଉଥିଲା। ସମୟକ୍ରମେ ଇନଡୋର ଷ୍ଟାଡିୟମ ପ୍ରତିଷ୍ଠା ହେଲା। ମାତ୍ର ପ୍ରତିଷ୍ଠା ହେବାର ଚାରି ମାସ ହୋଇନି, କିନ୍ତୁ ଏହାର ଅନେକ ମେସିନ ଅଚଳ ହେଲାଣି।
ବିଶେଷତଃ ହୂଦରୋଗ ଏବଂ ଉଚ୍ଚ ରକ୍ତଚାପ ଥିବା ଲୋକଙ୍କ ପାଇଁ ଆବଶ୍ୟକତା ଥିବା କାର୍ଡିଓ ଓ୍ଵାକର ,ସାଇକେଲିଂ ଆଦି ମେସିନ ସବୁ ଅଚଳ ହୋଇ ପଡ଼ିରହିଛି। କେବଳ କିଛି ଓ୍ଵେଟ ଲିଫ୍ଟିଂ ଉପକରଣ ବ୍ୟତୀତ ଅନେକ ଉପକରଣ ଅଚଳ ହେଲାଣି। ଅନେକ ସ୍ଥାନରୁ ମ୍ୟାଟ ଉଠିଗଲାଣି। ଟଏଲେଟ୍ ସବୁ ଠିକରେ କାମ କରୁନାହି। ଏ ସମ୍ପର୍କରେ ଜିଲା କ୍ରୀଡ଼ା ଅଧିକାରୀଙ୍କୁ ବାରମ୍ବାର ଯୋଗାଯୋଗ କରାଯାଇଥିଲେ ହେଁ ମରାମତି ପ୍ରତି ଧ୍ୟାନ ଦେଉନଥିବା ଅଭିଯୋଗ ହେଉଛି। ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଦାବି ହେଉଛି।
