ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଏକ ପରୀକ୍ଷା ଫଳାଫଳ ଏବେ ଭାଇରାଲ ହେଉଛି । ଏହି ଫଳ ଚତୁର୍ଥ ଶ୍ରେଣୀର ଜଣେ ଛାତ୍ରୀଙ୍କର ବୋଲି ଜଣାପଡିଛି । ରିପୋର୍ଟ କାର୍ଡରେ ସମୁଦାୟ ୬ଟି ବିଷୟରେ ନମ୍ବର ନଜର ଆସୁଛି । କିନ୍ତୁ ୨ଟି ବିଷୟରେ ଯେଉଁ ନମ୍ବର ଦିଆଯାଇଛି ତାକୁ ଦେଖି ସମସ୍ତେ ତାଜୁବ ହେଉଛନ୍ତି ।
ଗୁଜରାତର ଦାହୋଦ ଜିଲାର ଖରସାନା ଗାଁରେ ରହୁଥିବା ବଂଶୀବେନ ମନିଷଭାଇ କଟାରା ସ୍ଥାନୀୟ ପ୍ରାଇମେରୀ ସ୍କୁଲରେ ପଢନ୍ତି । ନିକଟରେ ସ୍କୁଲର ଫଳ ଘୋଷଣା କରାଯାଇଥିଲା । ଏଥିରେ ଗୁଜରାତୀ, ଗଣିତ, ପରିବେଶ, ହିନ୍ଦୀ, ଇଂରାଜୀ ଏବଂ ବ୍ୟକ୍ତିତ୍ବ ବିକାଶର ନମ୍ବର ଥିଲା । ଛାତ୍ରୀ ୯୩.୪୦ ପ୍ରତିଶତ ମାର୍କ ରଖି ପାସ୍ କରିଛନ୍ତି । ଏପରିକି ୨ଟି ବିଷୟରେ ସେ ସର୍ବାଧିକ ନମ୍ବରଠୁ ମଧ୍ୟ ଅଧିକ ରଖିଛନ୍ତି।
କୁଲଗାମରେ ଆତଙ୍କବାଦୀ-ସୁରକ୍ଷାକର୍ମୀ ମୁହାଁମୁହିଁ: ସର୍ଚ୍ଚ ଅପରେସନ୍ ଜାରି
ବଂଶୀବେନଙ୍କୁ ଗୁଜରାତୀରେ ୨୦୦ ନମ୍ବରରୁ ୨୧୧ ନମ୍ବର ମିଳିଛି । ସେହିଭଳି ଗଣିତରେ ସେ ୨୦୦ରୁ ୨୧୨ନମ୍ବର ରଖିଛନ୍ତି । ସେ ସମୁଦାୟ ୧୦୦୦ରୁ ୯୬୫ ନମ୍ବର ରଖିଛନ୍ତି । ପରୀକ୍ଷା ଫଳ ଆସିବା ପରେ ବଂଶୀବେନ ଖୁସି ହୋଇ ଏହି ରିପୋର୍ଟ କାର୍ଡ ଘରେ ଦେଖାଇଲେ । କିନ୍ତୁ ପରେ ଏହା ସାରା ଗାଁରେ ଖେଳିଗଲା । ଏହା ପରେ ସାମାଜିକ ଗଣମାଧ୍ୟମରେ ମଧ୍ୟ ଏହା ଭାଇରାଲ ହୋଇଗଲା । ଏହା ପରେ ତାଙ୍କ ପରିବାର ଲୋକେ ସ୍କୁଲର ପ୍ରିନ୍ସପାଲଙ୍କ ସହିତ ସାକ୍ଷାତ କଲେ । ଏ ସମ୍ପର୍କରେ ଆଲୋଚନା ପରେ ତ୍ରୁଟି ସାମ୍ନାକୁ ଆସିଥିଲା । ସ୍କୁଲର ଅବହେଳା ଯୋଗୁଁ ଏମିତି ହୋଇଛି । ତେବେ ଏନେଇ ସୂଚନା ମିଳିବା ପରେ ଜିଲା ଶିକ୍ଷା ଅଧିକାରୀ ଯାଞ୍ଚ ପାଇଁ ଆଦେଶ ଦେଇଛନ୍ତି ।
