ଭୋପାଳ : ମଧ୍ୟପ୍ରଦେଶର ଜବଲପୁରରରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିବା ସୋମବାର ସାମ୍ନାକୁ ଆସିଛି। ଦ୍ରୁତ ଗତିରେ ଯାଉଥିବା ଏକ ଟ୍ରାକ୍ଟର ଓଲଟି ପାଞ୍ଚ ଜଣଙ୍କ ଜୀବନ ଚାଲି ଯାଇଛି। ମୃତକଙ୍କ ମଧ୍ୟରେ ଚାରି ଜଣ ନାବାଳିକା ରହିଥିବା ବେଳେ ଜଣେ ୧୮ ବର୍ଷୀୟ ଯୁବକ ସାମିଲ ରହିଛନ୍ତି।
ସୂଚନା ଯୋଗ୍ୟ, ଏହି ଦୁର୍ଘଟଣା ଜବଲପୁର ଥାନା ଅନ୍ତର୍ଗତ ଗ୍ରାମ ତିନେଟା ଅଞ୍ଚଳରେ ଘଟିଛି। ଟ୍ରାକ୍ଟର ଓଲଟିବାରୁ ପାଞ୍ଚ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଶିଶୁ ଆହତ ହୋଇଛନ୍ତି। ଦ୍ରୁତ ଗତିରେ ଟ୍ରାକ୍ଟର ଚାଳନା ହେତୁ ଏହି ଦୁର୍ଘଟଣା ଘଟିଛି ବୋଲି ଜଣାପଡିଛି। ଏହାପରେ ସଭିଏଁ ଟ୍ରାକ୍ଟର ତଳେ ଚାପି ହୋଇ ଯାଇଥିଲେ। ଦୁର୍ଘଟଣା ପରେ ପୁଲିସ ପହଞ୍ଚି ସମସ୍ତ ମୃତାହତଙ୍କୁ ଉଦ୍ଧାର କରିବା ସହ ମେଡିକାଲରେ ଭର୍ତ୍ତି କରିଛି। ଜିଲା ପ୍ରଶାସନ ପକ୍ଷରୁ ମୃତକ ପରିଜନଙ୍କୁ ୫୦,୦୦୦ ଟଙ୍କା ଏବଂ ଆହତଙ୍କୁ ୧୦ ହଜାର ଟଙ୍କା ଲେଖାଏ ଆର୍ଥିକ ସହାୟତା ଘୋଷଣା କରାଯାଇଛି।
ଏହି ଦୁର୍ଘଟଣାରେ ମୁଖ୍ୟମନ୍ତ୍ରୀ ମୋହନ ଯାଦବ ଗଭୀର ଦୁଃଖ ପ୍ରକାଶ କରିଛନ୍ତି। ଦୁର୍ଘଟଣାରେ ଆହତଙ୍କ ଉପଯୁକ୍ତ ଚିକିତ୍ସା ପାଇଁ ନିର୍ଦ୍ଦେଶ ଦେବା ସହିତ ଆଶୁ ଆରୋଗ୍ୟ କାମନା କରିଛନ୍ତି।
ଟ୍ରାକ୍ଟର ଓଲଟି ୪ ନାବାଳିକା ସମେତ ୫ ମୃତ
Popular Categories
Previous article
Next article