ସାରନଗରୀ: ଆଜି ରାତିରେ ସୌଭାଗ୍ୟବଶତଃ ଏକ ବଡ଼ ଧରଣର ଦୁର୍ଘଟଣାରୁ ବର୍ତ୍ତିଯାଇଛନ୍ତି ରାଜ୍ୟ ଶ୍ରମମନ୍ତ୍ରୀ ତଥା ରାଉରକେଲା ବିଧାୟକ ସାରଦାପ୍ରସାଦ ନାୟକ। ଆଜି ରାତି ପ୍ରାୟ ୮ଟାରେ ମନ୍ତ୍ରୀ ଶ୍ରୀ ନାୟକ ବିିଭିନ୍ନ ମନ୍ଦିର ଦର୍ଶନ ସାରି ତରକେରା ମନ୍ଦିରେ ପହଞ୍ଚି ବାବାଙ୍କ ଦର୍ଶନ ନିମନ୍ତେ ମନ୍ଦିର ବେଢ଼ାରେ ପ୍ରବେଶ କରିଥିଲେ। ଏହି ସମୟରେ ଏକ ହାଇୱା ଦ୍ରୁତଗତିରେ ଆସି ଡିଭାଇଡରକୁ ପିଟି ମନ୍ଦିର ସମ୍ମୁଖରେ ଠିଆ ହୋଇଥିବା ମନ୍ତ୍ରୀଙ୍କ ଗାଡ଼ିକୁ ଧକ୍କା ଦେଇଥିଲା ା ମାତ୍ର ଗାଡ଼ିରେ ମନ୍ତ୍ରୀ ନ ଥିବାରୁ ସୌଭାଗ୍ୟବଶତଃ ବର୍ତ୍ତିଯାଇଥିଲେ। ତେବେ ଗାଡ଼ି ଭିତରେ ଥିବା ଚାଳକ ରାକେଶଙ୍କ ଗୋଡ଼ରେ ସାମାନ୍ୟ ଆଘାତ ଲାଗିଥିବା ସୂଚନା ମିଳିଛି।
ଆଜି ମହାଶିବରାତ୍ରରେ ଘଟିଥିବା ଏହି ଦୁର୍ଘଟଣାରୁ ଅଳ୍ପକେ ସମସ୍ତେ ରକ୍ଷା ପାଇଯାଇଥିବାରୁ ଏହା ଭୋଳାନାଥଙ୍କ ଆଶୀର୍ବାଦ ବୋଲି ଉପସ୍ଥିତ ଲୋକେ କହିବାକୁ ପଛାଇ ନ ଥିଲେ। ଅନ୍ୟପକ୍ଷରେ ଦୁର୍ଘଟଣାର ଖବର ପାଇବା ପରେ ରଘୁନାଥପାଲ୍ଲି ପୁଲିସ ଓ ଜଲଦା ଫାଣ୍ଡି ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ଦୁର୍ଘଟଣା ଘଟାଇଥିବା ହାଇୱାକୁ ଜବତ କରିଥିବା ଜଣାଯାଇଛି।
