ଭୁବନେଶ୍ବର:ରାଜ୍ୟ ସରକାରଙ୍କ ପକ୍ଷରୁ ଶୁକ୍ରବାର ୮ଜଣ ବରିଷ୍ଠ ଆଇଏଏସଙ୍କୁ କମିଶନର ପାହ୍ୟାକୁ ପଦୋନ୍ନତି ଦିଆଯାଇଥିବାବେଳେ ୩ଜଣ କମିଶନର ପାହ୍ୟାର ଆଇଏଏସଙ୍କୁ ପ୍ରମୁଖ ଶାସନ ସଚିବକୁ ପଦୋନ୍ନତି ଦିଆଯାଇଛି। ସାଧାରଣ ପ୍ରଶାସନ ବିଭାଗର ବିଜ୍ଞପ୍ତିନାମା ଅନୁଯାୟୀ କମିଶନର ପାହ୍ୟାଙ୍କୁ ପଦୋନ୍ନତି ପାଇଥିବା ୨୦୦୩ ବ୍ୟାଚର ବରିଷ୍ଠ ଆଇଏଏସଙ୍କ ମଧ୍ୟରେ ଡ. ପ୍ରଦୀପ କୁମାର ବିଶ୍ବାଳଙ୍କ ସହିତ ଡ. ଜାୱେଲ ନିତିନ ଭାନୁଦାସ, ମନୋରଞ୍ଜନ ପଟ୍ଟନାୟକ, ଧୀରେନ କୁମାର ପଟ୍ଟନାୟକ, ପୁରୁଷୋତ୍ତମ ସାହୁ, ଅନିଲ କୁମାର ସାମଲ, ଶ୍ରୀକାନ୍ତ ପୃଷ୍ଟି ଓ ଗୋପବନ୍ଧୁ ଶତପଥୀ ଅନ୍ତର୍ଭୁକ୍ତ। ଏହି ଅଧିକାରୀମାନେ ଏଣିକି ସୁପର ଟାଇମ୍ ସ୍କେଲ ପାଇବେ।
ସେହିପରି ପ୍ରମୁଖ ଶାସନ ସଚିବ ପାହ୍ୟାକୁ ପଦୋନ୍ନତି ପାଇଥିବା ବରିଷ୍ଠ ଆଇଏଏସଙ୍କ ମଧ୍ୟରେ ନଗର ଉନ୍ନୟନ ବିଭାଗ ସଚିବ ଜି ମାଥିଭାଥନନ, ସମବାୟ ବିଭାଗ ସଚିବ ରଞ୍ଜନା ଚୋପ୍ରା ଓ କେନ୍ଦ୍ରୀୟ ଡେପୁଟେସନରେ ଥିବା ସନ୍ତୋଷ କୁମାର ଷଡଙ୍ଗୀ ରହିଛନ୍ତି। ଆସନ୍ତାମାସ ସୁଦ୍ଧା ଏହି ବରିଷ୍ଠ ଆଇଏଏସଙ୍କୁ ସ୍ବତନ୍ତ୍ର ପଦରେ ଅବସ୍ଥାପିତ କରାଯିବ ବୋଲି ସରକାରଙ୍କ ପକ୍ଷରୁ ଜଣାଯାଇଛି।
୧୧ ବରିଷ୍ଠ ଆଇଏଏସଙ୍କୁ ପଦୋନ୍ନତି
Popular Categories
Previous article
Next article